News June 4, 2024
பவன் கல்யாண் அசுர வளர்ச்சி
ஆந்திர சட்டசபை தேர்தலில் பவன் கல்யாணின் ஜன சேனா கட்சி போட்டியிட்ட 21 தொகுதிகளில், 19 தொகுதிகளில் முன்னிலையில் உள்ளது. கடந்த தேர்தலில் ஒரே ஒரு தொகுதியில் மட்டுமே வெற்றிபெற்ற பவன் கல்யாண் கட்சி, இந்த தேர்தலில் குறிப்பிடத்தக்க வெற்றியைப் பதிவு செய்யும் என எதிர்பார்க்கப்படுகிறது. தெலுங்கு தேசம் கட்சிக்கு அடுத்தபடியாக இரண்டாம் இடத்தைக் கூட ஜன சேனா பிடிக்கக்கூடும் எனத் தெரிகிறது.
Similar News
News August 5, 2025
காஷ்மீருக்கு மாநில அந்தஸ்து: ஆக.8-ல் விசாரணை
ஜம்மு காஷ்மீருக்கு சிறப்பு அந்தஸ்து வழங்கிய பிரிவு 370 ரத்து செய்யப்பட்டு 6 ஆண்டுகள் நிறைவடைந்துள்ளது. இந்நிலையில், காஷ்மீருக்கு மாநில அந்தஸ்து கோரும் மனு, ஆக.8-ல் SC-யில் விசாரணைக்கு வரவுள்ளது. இதுபற்றி இன்று CJI பி.ஆர்.கவாய் அமர்வில் கேள்வி எழுப்பப்பட்டதை அடுத்து, இந்த தகவல் வெளியாகியுள்ளது. 2024-க்குள் மாநில அந்தஸ்து தரவேண்டும் என மத்திய அரசை SC அறிவுறுத்தியிருந்தது குறிப்பிடத்தக்கது.
News August 5, 2025
திமுக ஆட்சிக்கு பிரேமலதா கொடுத்த மார்க் இதுதான்!
நிறை குறைகள் சரிசமமாக உள்ளதால் திமுக ஆட்சிக்கு 50 மார்க் தரலாம் என பிரேமலதா விஜயகாந்த் தெரிவித்துள்ளார். தமிழகத்தில் தற்போது மீனவர்கள், விவசாயிகள், வியாபாரிகள் என யாருக்குமே பாதுகாப்பு இல்லை என கூறிய அவர், ஆணவப்படுகொலைகள், லாக் அப் மரண சம்பவங்கள் வருத்தமளிப்பதாக தெரிவித்தார். சட்டம் – ஒழுங்கை கையில் வைத்திருக்கும் CM ஸ்டாலின் இதனை இரும்புக்கரம் கொண்டு அடக்க வேண்டுமெனவும் கேட்டுக் கொண்டார்.
News August 5, 2025
பரோட்டா சாப்பிடுவதால் மரணம் ஏற்படுமா? FACTCHECK
செய்திகளில் வருவது போல், பரோட்டாவால் மரணம் ஏற்பட வாய்ப்பில்லை என்கின்றனர் டாக்டர்கள். ஆனால், பரோட்டாவால் வயிறு உப்புதல், மலச்சிக்கல், வாயுப் பிரச்னை, நெஞ்செரிச்சல் போன்ற செரிமான பிரச்னைகள் ஏற்படலாம். இதில் மாவுச்சத்து அதிகம் என்பதால் கலோரியும் அதிகம். பரோட்டாவை அவசரமாக உண்ணுவதாலும், அதிகம் வாயில் திணிப்பதாலும் மூச்சுத்திணறி சிலர் இறந்துள்ளனர். ஆகவே, மெதுவாக, மென்று ருசித்து சாப்பிடுவது நல்லது.