News January 15, 2026
பழைய ஆட்சி கழியட்டும், புதிய ஆட்சி மலரட்டும்: அருண் ராஜ்
உலகிற்கே உணவளிக்கும் உழவர் பெருமக்களின் உழைப்பைப் போற்றும் உன்னதமான பொங்கலை கொண்டாடும் தமிழர்களுக்கு பொங்கல் வாழ்த்துகள் என தவெக அருண்ராஜ் தெரிவித்துள்ளார். பழையன கழிதலும், புதியன புகுதலும்தான் பொங்கல் பண்டிகையின் முக்கிய தத்துவம். இந்த தத்துவத்தின்படி, ‘பழைய ஆட்சி கழியட்டும், புதிய ஆட்சி மலரட்டும்’ எனக் கூறியுள்ள அவர், விவசாயிகளுக்கு தவெக எப்போதும் உறுதுணையாக இருக்கும் எனவும் கூறியுள்ளார்.
Similar News
News February 6, 2026
முன்னாள் எம்எல்ஏ லிங்கமுத்து காலமானார்
இந்திய கம்யூனிஸ்ட் கட்சியின் மூத்த தலைவர் லிங்கமுத்து(75), உடல்நலக் குறைவால் இன்று காலமானார். தமிழகத்தில் கம்யூனிஸ்ட் இயக்கத்தின் முக்கிய முகங்களில் ஒருவராக விளங்கிய இவர், CPI-ன் மாநில பொதுக்குழு உறுப்பினர் உள்ளிட்ட பல பொறுப்புகளை வகித்துள்ளார். 2011 தேர்தலில் குடியாத்தம் தொகுதியில் போட்டியிட்டு அவர் வெற்றிபெற்றிருந்தார். லிங்கமுத்து மறைவுக்கு அரசியல் தலைவர்கள் இரங்கல் தெரிவித்து வருகின்றனர்.
News February 6, 2026
ஆதியோகி ரத யாத்திரையை துவக்கி வைக்கும் அமைச்சர்கள்!
வரும் பிப்.15-ம் தேதி மகாசிவராத்திரியை முன்னிட்டு புதுச்சேரியில் ஈஷா அறக்கட்டளை சார்பான ஆதியோகி ரத யாத்திரை 3 நாள்கள் நடைபெற உள்ளது. பிப்.8-ம் தேதி புதுச்சேரி அமைச்சர்கள் லட்சுமி நாராயணன் & நமச்சிவாயம் அதனை தொடங்கி வைக்கின்றனர். தமிழகத்தில் நடைபெற்ற இந்த ரத யாத்திரையை ஆன்மிக தலைவர்கள் மட்டுமே துவக்கி வைத்தனர். இந்நிலையில், புதுச்சேரியில் அமைச்சர்களே இதனை துவக்கி வைப்பது கவனம் பெற்றுள்ளது.
News February 6, 2026
அதிமுக கூட்டணியில் இணைகிறாரா வேல்முருகன்?
திமுக கூட்டணியிலிருந்து <<19065639>>விலகும் முடிவில்<<>> தவாக உள்ளதாக பேசப்படுகிறது. வேல்முருகன் கேட்கும் தொகுதிகளை திமுக ஒதுக்க தயாராக இல்லை என்பதே இதற்கு காரணம் என கூறப்படுகிறது. கடந்த முறை பண்ருட்டியில் மட்டுமே போட்டியிட்ட தவாக, இம்முறை அதிக தொகுதிகளை கேட்டுள்ளது. ஆனால் திமுக அதனை மறுத்துவிட்டதால்தான் வேல்முருகன் அதிருப்தியில் இருக்கிறார் என்கின்றனர். அவருடன் தற்போது அதிமுக பேசிவருவதாகவும் கூறப்படுகிறது.