News November 28, 2025
பலதார மணம் செய்தால் 10 ஆண்டு சிறை!
அசாமில் ஆண்கள் பலதார மணம் செய்வதை தடுக்க பலதார மண தடை சட்டம் இயற்றப்பட்டுள்ளது. முதல் திருமணத்தை மறைத்து இரண்டாம் திருமணம் செய்தால் குறைந்தபட்ச தண்டனையாக 7 ஆண்டு சிறை தண்டனை முதல் அதிகபட்சமாக 10 ஆண்டு சிறை தண்டனை வழங்கும் சட்டத்தை அசாம் அரசு இயற்றியுள்ளது. இந்த சட்டம் பெண்களை பாதுகாக்கும் என்றும், பலதார மணத்தால் பாதிக்கப்பட்டவர்களுக்கு இழப்பீடு கிடைக்க உதவும் எனவும் அசாம் CM தெரிவித்துள்ளார்.
Similar News
News November 30, 2025
இன்றே கடைசி: உடனே அப்ளை பண்ணுங்க
இன்றுடன் சில அரசு திட்டங்களுக்கான காலக்கெடு நிறைவடைகிறது. *மத்திய அரசு ஊழியர்கள், தேசிய ஓய்வூதிய திட்டத்தில் (NPS) இருந்து புதிய ஒருங்கிணைந்த ஓய்வூதிய திட்டத்திற்கு (UPS) விண்ணப்பிக்க இன்றே கடைசி நாளாகும். *மத்திய, மாநில அரசு ஓய்வூதியதாரர்கள், மாதாந்திர ஓய்வூதிய தொகையை தொடர்ந்து பெறுவதற்கு தேவைப்படும், வருடாந்திர வாழ்க்கை சான்றிதழை (ALC), இன்றே சமர்பிக்க வேண்டியது அவசியமாகும்.
News November 30, 2025
புயலின் வேகம் அதிகரித்தது.. 13 மாவட்டங்களுக்கு அலர்ட்
டிட்வா புயலின் வேகம் மீண்டும் அதிகரித்துள்ளது. சென்னைக்கு தென்கிழக்கே 180 கி.மீ., தொலைவில் உள்ள நிலையில், மணிக்கு 12 கி.மீ., வேகத்தில் நகர்ந்து வருவதாக IMD கணித்துள்ளது. இதனால், தஞ்சை, திருவாரூர், அரியலூர், கள்ளக்குறிச்சி, தி.மலை, காஞ்சி, ராணிப்பேட்டை, குமரி, நெல்லை, தூத்துக்குடி, ராமநாதபுரம், சிவகங்கை, புதுக்கோட்டையில் 70 கி.மீ., வேகத்தில் தரைக்காற்று வீசக்கூடும் எனவும் குறிப்பிடப்பட்டுள்ளது.
News November 30, 2025
காசியின் கலாசார அடையாளமானது தமிழ்: PM
மன் கி பாத் உரையில் PM மோடி, நவம்பர் பல உத்வேகங்களை கொண்டு வந்துள்ளதாக கூறினார். மகளிர் உலக கோப்பை வெற்றி, ராமர் கோயில் கொடியேற்றம் என பல்வேறு நிகழ்வுகளை நினைவு கூர்ந்த அவர், காசி தமிழ்ச் சங்கமத்தில் அனைவரும் கலந்து கொள்ள வேண்டுகோள் விடுத்தார். காசியின் கலாசார அடையாளமாக தமிழும், தமிழ் மக்களும் மாறியுள்ளதாக அவர் குறிப்பிட்டார். தமிழை கற்பதே சங்கமத்தின் முக்கிய கருப்பொருள் என்றும் அவர் கூறினார்.