News June 23, 2024
நெல்லை மக்கள் கவனத்திற்கு
பொதுமக்கள் மற்றும் காவல் துறையினர் இணைந்து சட்டவிரோதமான மதுபானங்களை ஒழிப்பதற்காக, நெல்லை மாவட்ட எஸ்.பி., சிலம்பரசன் புது முயற்சியை மேற்கொண்டுள்ளார். அதன்படி, கள்ளச்சாராயம் காய்ச்சுவது, விற்பது குறித்து தெரியவந்தால் 94981 01765 மற்றும் 94981 10581 என்ற கட்டணமில்லா தொலைபேசி எண்ணிற்கு அழைத்து தெரிவிக்கவும் என்றும், தகவல் தெரிவிப்பவரின் விவரங்கள் பாதுகாக்கப்படும் என தெரிவிக்கப்பட்டுள்ளது.
Similar News
News August 31, 2025
மாநகரில் இன்று இரவு காவல் பணி அதிகாரி விபரம்
திருநெல்வேலி மாநகர போலீஸ் கமிஷனர் சந்தோஷ் ஹாத்தி மணி உத்தரவின் படி நெல்லை மாநகரில் இன்று (ஆகஸ்ட் 30) இரவு முதல் நாளை காலை 6 மணி வரை காவல் பணியில் ஈடுபடும் காவல் அதிகாரிகள் பெயர் விபரம் காவல் சரகம் வாரியாக மாநகர காவல்துறை அறிவித்துள்ளது. சம்பந்தப்பட்ட காவல் அதிகாரிகள் கைபேசி எண்ணும் தரப்பட்டுள்ளது. காவல் உதவி தேவைப்படுபவர்கள் சம்பந்தப்பட்ட அதிகாரியை தொடர்பு கொள்ளலாம்.
News August 31, 2025
நெல்லையப்பர் கோவிலுக்கு அறங்காவலர்கள் நியமனம்
நெல்லையப்பர் கோவிலுக்கு பரம்பரை வழிமுறை சாரா அறங்காவலர்கள் நியமனத்திற்கு விண்ணப்பங்கள் வரவேற்கப்படுகின்றன. தகுதி விவரங்கள் மற்றும் விண்ணப்ப படிவங்களை கோயிலிலோ அல்லது இந்து சமய அறநிலையத்துறை, திருநெல்வேலி அலுவலகத்திலோ பெறலாம். பூர்த்தி செய்யப்பட்ட விண்ணப்பங்களை நேரிலோ, அஞ்சலிலோ அல்லது www.hrce.tn.gov.in இணையதளத்திலோ 30.09.2025 மாலை 5:00 மணிக்குள் சமர்ப்பிக்கலாம்.
News August 30, 2025
செப். மாத மின் பகிர்மான குறைதீர்க்கும் முகாம் அறிவிப்பு
திருநெல்வேலி மின் பகிர்மான வட்டம் சார்பில் செப்டம்பர் மாதம் 12ஆம் தேதி வள்ளியூர் கோட்ட அலுவலகத்தில் குறைதீர்க்கும் முகாம் நடைபெறும். 16ஆம் தேதி நெல்லை நகர்புற கோட்ட அலுவலகத்திலும், 23ஆம் தேதி கல்லிடைக்குறிச்சி கோட்ட அலுவலகத்திலும், 26 ஆம் தேதி நெல்லை கிராமப்புற கோட்ட அலுவலகத்திலும் பகல் 11 மணிக்கு முகாம்கள் நடைபெறும் என மேற்பார்வை பொறியாளர் அகிலாண்டேஸ்வரி தெரிவித்துள்ளார்.