News September 23, 2024
நில அதிர்வு: கடையம் பகுதியில் தாசில்தார் ஆய்வு
கடையம், ஆழ்வார்குறிச்சி வட்டாரத்திற்கு உட்பட்ட பகுதியில் இன்று திடீரென நிலநடுக்கம் ஏற்பட்டதாக பொதுமக்கள் அச்சமடைந்தனர். குறிப்பாக வீடுகளில் உள்ள பொருட்கள் கீழே விழுந்ததாகவும் மிகப்பெரிய சத்தம் வந்து சென்றதாகவும் பொதுமக்கள் பீதியில் இருந்தனர். தகவலறிந்த தென்காசி வட்டாட்சியர் மணிகண்டன் கடையம் சுற்றுவட்டாரப் பகுதிகளில் ஆய்வு மேற்கொண்டு பொதுமக்கள் பீதி அடைய வேண்டாம் என்றார்.
Similar News
News November 20, 2024
தென்காசி புத்தக திருவிழாவில் 19 லட்சத்திற்கு புக் விற்பனை
தென்காசி மாவட்டத்தில் நடைபெற்று வரும் புத்தகத் திருவிழாவினை 18ஆம் தேதி வரை 24,902 பள்ளி மாணவ மாணவியர்களும், 6,010 கல்லூரி மாணவ மாணவியர்களும், 54,648 பொதுமக்களும் என 85,747 பேர் கண்டுகளித்துள்ளனர். இந்த நான்கு நாட்களில் மொத்த புத்தக விற்பனை ரூ.19,32,757 ஆகும். இந்த தகவலை மாவட்ட ஆட்சியர் தெரிவித்துள்ளார்.
News November 20, 2024
மாநில காங்கிரஸ் தலைவருக்கு வரவேற்பு
தென்காசி மாவட்டத்தில் நாளை நடைபெறும் காங்கிரஸ் கட்சி ஆலோசனை கூட்டத்திற்கு, இன்று மாலை காங்கிரஸ் மாநில தலைவர் செல்வப்பெருந்தகை தென்காசிக்கு வருகை தந்தார். அவரை தென்காசி வாய்கால் பாலம் இசக்கி மஹால் முன்பு தென்காசி நகர காங்கிரஸ் கமிட்டி தலைவர் மாடசாமி ஜோதிடர் தலைமையில் நிர்வாகிகள் வரவேற்றனர். நிகழ்வில், நகராட்சி கவுன்சிலர் ரபீக் உள்ளிட்ட பலர் கலந்து கொண்டனர்.
News November 20, 2024
வனவிலங்கு கண்காணிப்பு குழுவில் தென்காசியைச் சேர்ந்தவர்கள்
தமிழக அரசு நெல்லை வனவிலங்கு சரணாலயம் கண்காணிப்பு குழு அமைத்து அரசாணை ஒன்று இன்று வெளியிட்டுள்ளது. இதில் நெல்லை மாவட்ட ஆட்சியர் கார்த்திகேயன் தலைவராகவும், தென்காசி செங்கோட்டை கடையநல்லூர் சிவகிரி ஆகிய வட்டங்களைச் சேர்ந்த தாசில்தார்கள், பூவுலகின் நண்பர்கள் அமைப்பின் உறுப்பினர் ராஜாராம், பராசக்தி கல்லூரி பேராசிரியர் செல்வி உள்ளிட்ட 10 பேர் உறுப்பினர்களாக நியமனம் செய்யப்பட்டுள்ளனர்.