News October 26, 2024

நாய் குறுக்கே வந்ததால் சாலை விபத்தில் விவசாயி பலி

செய்யூர் அருகே உள்ள புதுப்பட்டு கிராமத்தை சேர்ந்தவர் ஜெயபால். விவசாயியான இவர், நேற்று முன்தினம் இரவு பவுஞ்சூரில் இருந்து புதுப்பட்டு நோக்கி தனது பைக்கில் சென்று கொண்டிருந்தார். இரணியசித்தி ஏரிக்கரை அருகே சென்றபோது, திடீரென நாய் குறுக்கே வந்ததால் ஜெயபால் பைக்கில் இருந்து கீழே விழுந்து படுகாயம் அடைந்தார். செங்கல்பட்டு மருத்துவமனையில் அனுமதிக்கப்பட்ட அவர், நேற்று சிகிச்சை பலனின்றி உயிரிழந்தார்.