News February 3, 2026
நாட்டு நிலவரம் தெரியாமல் பிதற்றும் விஜய்: சிவசங்கர்
விசில் சின்னத்திற்கு CM ஸ்டாலின் வாக்களிப்பார் என விஜய் கூறியதற்கு அமைச்சர் சிவசங்கர் பதிலடி கொடுத்துள்ளார். மக்களை நேரடியாக சந்திக்கும் திமுக தலைவர்களுக்குத்தான் உண்மையான நிலவரம் தெரியும் என்ற அவர், தன் இருப்பிடத்திற்கு எல்லோரையும் வரவழைத்து பேசும் விஜய்க்கு நாட்டு நிலவரம் தெரியாது எனவும் சாடினார். மேலும், விஜய் பிதற்றுகிறார் என்றும் அவர் காட்டமாக விமர்சித்தார்.
Similar News
News February 3, 2026
நடுநிலையில் மோடி.. மோதும் டிரம்ப், புடின்
ரஷ்யாவிடமிருந்து எண்ணெய் வாங்குவதை இந்தியா நிறுத்துவதாக மோடி தன்னிடம் கூறியதாக அமெரிக்க அதிபர் டிரம்ப் நேற்று அறிவித்திருந்தார். இந்நிலையில், தங்களிடம் இருந்து கச்சா எண்ணெய் வாங்குவதை நிறுத்துவது குறித்து இந்தியா எதுவும் கூறவில்லை என்று ரஷ்யா விளக்கமளித்துள்ளது. டிரம்ப் அறிவிப்புக்கு எதிராக இந்த விளக்கம் வந்துள்ளதால், ரஷ்யாவிடமும் எண்ணெய் வாங்குவதை இந்தியா தொடரும் என்று கூறப்படுகிறது.
News February 3, 2026
BREAKING: விஜய் நிகழ்ச்சி.. மன்னிப்பு கேட்டார்
தவெக 3-ம் ஆண்டு துவக்க விழாவில் விஜய் முன்னிலையில் ‘மருதமலை மாமணியே முருகையா’ என்ற பாடலை பாடகர் வேல்முருகன் பாடியது சர்ச்சையானது. இதனையடுத்து, முருக பக்தர்களின் மனம் புண்பட்டதாக கூறி போலீசில் புகாரளிக்கப்பட்டது. தற்போது, தனது செயலால் யாருடைய மனதாவது புண்பட்டிருந்தால் மன்னிப்பு கோருவதாகவும், தான் எதார்த்தமாகவே பாடியதாகவும் அதற்கும் விஜய்க்கும் சமந்தமில்லை எனவும் வேல்முருகன் விளக்கமளித்துள்ளார்.
News February 3, 2026
மணிப்பூரின் முதல்வராகிறார் யும்னம் கேம்சந்த் சிங்
மணிப்பூரின் புதிய முதல்வராக, பாஜகவின் யும்னம் கேம்சந்த் சிங் தேர்வு செய்யப்பட்டுள்ளார். குக்கி, மெய்தி இனக்குழுவினர் இடையே ஏற்பட்ட தொடர் வன்முறை காரணமாக, கடந்த ஆண்டில் முதல்வர் பதவியில் இருந்து பைரன் சிங் விலகுவதாக அறிவித்தார். இதனையடுத்து, ஓராண்டாக குடியரசுத் தலைவர் ஆட்சி நடைபெற்றுவந்த நிலையில், மீண்டும் மாநில ஆட்சியை அமைக்க நடவடிக்கை எடுக்கப்பட்டுள்ளது.