News July 22, 2024
நலத்துறை செயலரிடம் அங்காளன் எம்எல்ஏ மனு
புதுச்சேரி திருபுவனை தொகுதி எம்.எல்.ஏ. அங்காளன் இன்று தலைமைச் செயலகத்தில் நலத்துறை செயலரிடம் அளித்த மனுவில், மத்திய குடிமை பணி தேர்வில் ஒவ்வொரு ஆண்டும் பல மாணவர்கள் பங்கேற்கின்றனர். இந்த தேர்வுக்கு தயாராகும் மாணவர்களுக்கு அரசு சார்பில் ரூ.30,000 உதவித்தொகை மத்திய குடிமைப் பணி அலுவலகம் சென்று வரும் செலவுகளை வழங்க வேண்டும். இதன் மூலம் பல மத்திய அரசு அதிகாரிகள் உருவாகும் சூழ்நிலை ஏற்படும் என்றார்.
Similar News
News August 14, 2025
புதுவைகள் சுகாதார பணிக்கான எழுத்துத் தேர்வு தேதி அறிவிப்பு
புதுவை சுகாதாரத்துறையில் காலியாக உள்ள மகப்பேறு உதவியாளர், மருந்தாளுநர், இசிஜி தொழில்நுட்ப வல்லுநர், அறுவை சிகிச்சை உதவியாளர் பணிக்கான எழுத்துத் தேர்வு கடந்த ஜூலை 13ம் தேதி நடப்பதாக இருந்தது. நிர்வாக காரணங்களால் ஒத்தி வைக்கப்பட்ட இத்தேர்விற்கான தேதி தற்போது அறிவிக்கப்பட்டுள்ளது. அதன்படி ஆகஸ்ட் 23, 24 ஆகிய தேதிகளில் காலை மற்றும் மாலை இரு வேலைகளிலும் தேர்வுகள் நடைபெற உள்ளதாகத் தெரிவிக்கப்பட்டுள்ளது.
News August 14, 2025
புதுவை: மசாலா பொருட்கள் தயாரிப்பு பயிற்சி
புதுவை குயவர்பாளையம் லெனின் வீதியில் உள்ள இந்தியன் வங்கி ஊரக சுயவேலைவாய்ப்பு பயிற்சி நிறுவனம் இயங்கி வருகிறது. இங்கு, புதுவையை சேர்ந்த 18 முதல் 45 வயதுள்ள ஆண்கள் மற்றும் பெண்களுக்கு ஊறுகாய் வகை, வத்தல் வகை, அப்பளம் வகை, மாசாலா பொடிகள் உள்ளிட்ட பொருட்கள் தயாரிக்கும் பயிற்சிக்கு விண்ணப்பங்கள் வழங்கப்பட்டு வருகிறது. மேலும் 88704 97520, 0413-2246500 எண்களில் தொடர்பு கொள்ளலாம் எனவும் கூறப்பட்டுள்ளது.
News August 14, 2025
புதுவை: இளநிலை மருத்துவ படிப்பு இறுதி தரவரிசை வெளியீடு
புதுவை சென்டாக் ஒருங்கிணைப்பாளர் அமன்சர்மா நேற்று வெளியிட்டுள்ள செய்திக்குறிப்பில், “இளநிலை மருத்துவப் படிப்பில் அரசு ஒதுக்கீடு, நிர்வாக ஒதுக்கீடு, தேசிய சுயநிதி ஒதுக்கீடு, என்.ஆர்.ஐ. ஒதுக்கீடு இடங்களுக்கான இறுதி தரவரிசைப் பட்டியல் சென்டாக் இணையதளத்தில் வெளியிடப்பட்டுள்ளது. விளையாட்டு வீரர்கள், என்.ஆர்.ஐ. ஒதுக்கீடு வீரர்கள் 3 அசல் ஆவணங்களுடன் சென்டாக் அலுவலகம் வரவேண்டும்.” என்று தெரிவித்துள்ளார்.