News March 26, 2026

நடிகர் பிரம்மாஜியிடம் பறிமுதல் செய்த பணம் திருப்பி ஒப்படைப்பு

நீலகிரியில் தேர்தல் பறக்கும் படையினர் நடத்திய சோதனையில் நடிகர் பிரம்மாஜியிடம் இருந்த ரூ. 1,96,500 பறிமுதல் செய்யப்பட்டது. கூடலூர் கோட்டாட்சியர் அலுவலகத்திற்குக் கொண்டு செல்லப்பட்ட இந்தப் பணத்திற்கு, நடிகர் முறையான ஆவணங்களைச் சமர்ப்பித்தார். இதையடுத்து அதிகாரிகள் அந்தப் பணத்தை அவரிடம் மீண்டும் ஒப்படைத்தனர். தேர்தல் நடத்தை விதிகள் அமலில் உள்ளதால் இந்தச் சோதனை நடத்தப்பட்டது.