News March 22, 2025
நகை மதிப்பீட்டாளர் பயிற்சிக்கு விண்ணப்பிக்கலாம்
திருப்பூர் கூட்டுறவு மேலாண்மை நிலையம் சார்பில் மார்ச் 24 முதல் ஏப்.13ஆம் தேதி வரை நகை மதிப்பீட்டாளர் பயிற்சிக்கான மாணவர் சேர்க்கை நடைபெறுகிறது. பயிற்சி வகுப்பில் சேர விரும்பும் தகுதியானவர்கள் விண்ணப்பங்களை நேரடியாக அளிக்கலாம். பயிற்சியில் சேர விரும்புபவர்கள் குறைந்தபட்சம் 10ஆம் வகுப்பு தேர்ச்சி பெற்றிருக்க வேண்டும். தமிழ் மொழியில் மட்டுமே பயிற்சி வகுப்பு நடைபெறும். பயிற்சி ஏப்.15இல் தொடங்கும்.
Similar News
News November 10, 2025
திருப்பூரில் தவறி விழுந்தவர் பலி
திருப்பூர், வெள்ளியங்காடு பகுதியில் உள்ள சாக்கடை கால்வாய்க்குள் தவறி விழுந்து ஆண் ஒருவர் இறந்து கிடந்தார். தகவலறிந்து வந்த, திருப்பூர் தெற்கு போலீசார் உடலை கைப்பற்றி பிரேத பரிசோதனைக்காக திருப்பூர் GH-க்கு அனுப்பி வைத்தனர். போலீசார் விசாரணையில், இறந்தவர் அந்த பகுதியை சேர்ந்த நாகராஜ் (58) என்பதும், வலிப்பு ஏற்பட்டு கால்வாய்க்குள் விழுந்து உயிரிழந்தது தெரியவந்துள்ளது.
News November 9, 2025
திருப்பூர் இரவு ரோந்து காவலர் விபரம்!
திருப்பூர் மாவட்டத்தில் தங்களது பகுதியில் இன்று 09.11.2025 இரவு பணியில் இருக்கும் காவல் அதிகாரிகளின் அலைபேசி எண்களை பொதுமக்கள் பயன்படுத்தி கொள்ளவும். உடுமலைப்பேட்டை, தாராபுரம், பல்லடம், காங்கேயம், அவிநாசி பகுதி மக்கள் தங்கள் பகுதியில் குற்றம் நடைபெற்றால், உடனடியாக காவல்துறைக்கு தெரியப்படுத்தவும். அவசர உதவிக்கு 108 அழைக்கவும்.
News November 9, 2025
வெள்ளகோவிலில் அடித்தே கொலை
வெள்ளகோவில் அருகே கணபதிபாளையத்தை சேர்ந்தவர் பெரியசாமி (77), இவரது மனைவி புஷ்பாத்தாள் (67). கடந்த 10 ஆண்டுகளாக இத்தம்பதிகளுக்கு இடையே தகராறு ஏற்பட்டு வந்ததாகவும், நேற்று இரவு இதே போல் இவர்களுக்குள் மீண்டும் ஏற்பட்ட தகராறு ஏற்பட கட்டையால் புஷ்பாத்தாளை, பெரியசாமி தாக்கியதில் மூதாட்டி உயிரிழந்தார். இதனையடுத்து பெரியசாமி-யை கைது செய்து வெள்ளகோவில் போலீசார் விசாரணை மேற்கொண்டு வருகின்றனர்.