News March 27, 2026
தொகுதி பங்கீட்டை நிறைவு செய்தது திமுக!
பல கட்ட பேச்சுவார்த்தைக்கு பின், கூட்டணியில் உள்ள பெரிய கட்சிகளுக்கான தொகுதி பங்கீட்டை திமுக இறுதி செய்தது. இதனைத் தொடர்ந்து, சிறிய கட்சிகளுக்கான தொகுதி பங்கீட்டையும் திமுக நிறைவு செய்துள்ளது. அதன்படி, கருணாஸின் முக்குலத்தோர் புலிப்படை, மனிதநேய ஜனநாயக கட்சி, எஸ்டிபிஐ, தமிழர் தேசம் கட்சிக்கு தலா 1 தொகுதி ஒதுக்கப்பட்டுள்ளது. இந்த 4 கட்சிகளும் உதய சூரியன் சின்னத்தில் களமிறங்குவதாக அறிவித்துள்ளன.
Similar News
News April 5, 2026
தேர்தலுக்கு பின் எச்.ராஜா கவர்னர்?
உடல்நலக்குறைவால் பாதிக்கப்பட்ட எச்.ராஜா அரசியலுக்கு ஓய்வு கொடுத்திருக்கிறார். இந்நிலையில், தேர்தல் பிரசாரத்திற்காக புதுச்சேரி வந்த மோடி, நேற்று முன்தினம் எச்.ராஜாவை நேரில் அழைத்து நலம் விசாரித்துள்ளார். அப்போது, ‘தேர்தல் முடிந்ததும், உங்களுக்கு நல்ல செய்தி வரும்’ என மோடி கூறியதால் எச்.ராஜா மகிழ்ச்சி அடைந்துள்ளாராம். இதனால், தேர்தலுக்கு பின் அவர் கவர்னராக நியமிக்கப்பட வாய்ப்புள்ளதாக கூறப்படுகிறது.
News April 5, 2026
கீர்த்தி ஷெட்டிக்கு தமிழ் சொல்லிக் கொடுத்த சீமான்
‘LIK’ படத்தில் பிரதீப்பின் தந்தையாக சீமான் நடித்துள்ளார். இந்நிலையில், சீமான் பற்றி கீர்த்தி ஷெட்டி கூறிய விஷயம் வைரலாகிறது. அதில், ஷூட்டிங் ஸ்பாட்டில் சீமான் தூய தமிழில் பேசுவார். ஆங்கில வார்த்தைகளுக்கு அழகான தமிழ் சொற்களை கூறுவார் என தெரிவித்துள்ளார். அவருடன் இருந்தது நல்ல அணுபவம், அவரிடம் நிறைய கற்றுக் கொண்டேன் என்றும் கீர்த்தி கூறியுள்ளார்.
News April 5, 2026
விசிகவுக்கு வாக்களிக்க வேண்டாம்: திருமா
புதுச்சேரியின் ஊசுடு, நெட்டப்பாக்கம், ஏனாம் தொகுதி விசிக வேட்பாளர்களுக்கு வாக்களிக்க வேண்டாம் என திருமா தெரிவித்துள்ளார். டெல்லி தலைமை கேட்டுக் கொண்டதன்பேரில், இந்த தொகுதிகளில் போட்டியிடும் கூட்டணி கட்சி வேட்பாளர்களுக்கு ஆதரவளிப்போம் என்று திருமா கூறியுள்ளார். அதேநேரம், உழவர்கரை தொகுதியில் விசிகவே போட்டியிடுகிறது என்றும் தெரிவித்துள்ளார். நான் போட்டியிடவில்லை என நேற்று திருமா அறிவித்திருந்தார்.