News December 13, 2025
தூத்துக்குடி மாநகராட்சிக்கு இலவச புகார் எண் அறிவிப்பு
தூத்துக்குடி மாநகர பகுதிகளில் சில நேரங்களில் பாதாள சாக்கடை குழாய்களில் அடைப்பு ஏற்பட்டு கழிவுநீர் வெளியேறும் நிலை ஏற்படுகிறது. இதனை உடனுக்குடன் சீர் செய்ய ஏதுவாக, தூத்துக்குடி மாநகராட்சி கட்டணம் இல்லா தொலைபேசி எண் 18002030401-ஐ தொடர்பு கொள்ளலாம் என கூறப்பட்டுள்ளது. இதில் பொதுமக்கள் தங்கள் புகாரினை பதிவு செய்யலாம் என மாநகராட்சி ஆணையர் சி.ப்ரியங்கா தெரிவித்துள்ளார். SHARE
Similar News
News December 13, 2025
தூத்துக்குடி: 2,835 கிலோ பீடி இலைகள் கடத்தல்!
தூத்துக்குடி கடலோர காவல் பாதுகாப்பு குழும போலீசார் இன்று அதிகாலை திரேஸ்புரம் கடற்கரை பகுதியில் திடீர் சோதனையில் மேற்கொண்டனர். அப்பொழுது, அங்கு இலங்கைக்கு கடத்துவதற்காக 81 முட்டைகளில் 2,835 கிலோ பீடி இலைகள் இருப்பது தெரியவந்தது. பல லட்சம் மதிப்புள்ள பீடி இலைகளை பறிமுதல் செய்த போலீசார், தொடர்ந்து விசாரணை நடத்தி வருகின்றனர்.
News December 13, 2025
தூத்துக்குடி: மாடியில் குதித்து பெண்ணிடம் செயின் பறிப்பு
தெற்கு இலந்தைகுளம் கிராமத்தைச் சேர்ந்தவர் சுடலைமணி மனைவி பூமாடத்தி (30). இவர் நேற்று இரவு 8 மணி அளவில் வீட்டின் வெளியே வருகையில், அவர்கள் வீட்டு மாடியில் இருந்த திருடன், அங்கிருந்து குதித்து பூமாடத்தி கழுத்தில் கிடந்த இரண்டரை பவுண் செயினை பறித்து சென்றான். இந்த செயின் பறிப்பு சம்பவம் குறித்து கயத்தாறு போலீசார் வழக்குப்பதிவு செய்து விசாரணை நடத்தி வருகின்றனர்.
News December 13, 2025
தூத்துக்குடியில் அனைத்து ரயில்களும் ரத்து
தூத்துக்குடி மீளவிட்டான் ரயில்வே ஸ்டேஷன் முதல் தூத்துக்குடி ரயில்வே நிலையம் வரை இரட்டை இரயில் பாதையில் மேம்பாட்டு பணிகள் வரும் 15ஆம் தேதி முதல் துவங்க உள்ளது. இதனால், தூத்துக்குடி ரயில் நிலையம் வரும் அனைத்து ரயில்களும் வரும் டிச.21 முதல் டிச.23 வரை ரத்து செய்யப்பட்டு அதற்கு பதிலாக வாஞ்சி மணியாச்சி ரயில் நிலையத்தில் நிறுத்தப்பட்டு அங்கிருந்து புறப்பட்டு செல்லும் என்று அறிவிக்கப்பட்டுள்ளது.