News September 26, 2025
தி.நகரில் உயர்மட்ட பாலம் 28-ம் தேதி திறப்பு
சென்னையின் முக்கிய வணிகப் பகுதியான தியாகராயர் நகரில், போக்குவரத்து நெரிசலைக் குறைக்க கட்டப்பட்ட உயர்மட்ட சாலை வரும் ஞாயிறு அன்று மக்கள் பயன்பாட்டுக்கு வருகிறது. உஸ்மான் சாலை – சி.ஐ.டி. நகரை இணைக்கும் 1.2 கி.மீ உயர்மட்ட சாலை வரும் 28-ம் தேதி மக்கள் பயன்பாட்டுக்கு திறக்கப்பட உள்ளது. ரூ.164.92 கோடி மதிப்பீட்டில் கட்டப்பட்டுள்ள இப்பாலத்தின் நடுவே வாகனங்கள் ஏறி, இறங்க அணுகுசாலை அமைக்கப்பட்டுள்ளது.
Similar News
News September 25, 2025
விஜயகாந்த் நினைவிடத்தில் ஆசி பெற்ற எம்.எஸ்.பாஸ்கர்
டெல்லியில் 71-வது தேசிய திரைப்பட விருது வழங்கும் விழா கடந்த 23-ம் தேதி நடைபெற்றது. இதில் ‘பார்க்கிங்’ படத்திற்காக சிறந்த துணை நடிகருக்கான தேசிய விருதை குடியரசுத் தலைவர் திரவுபதி முர்முவிடம் இருந்து எம்.எஸ்.பாஸ்கர் பெற்றார். அவ்விருதை விஜயகாந்த் சமாதியில் வைத்து பாஸ்கர் ஆசி பெற்றார். இக்காட்சிகள் ரசிகர்களிடையே நெகிழ்ச்சியை ஏற்படுத்தியுள்ளது.
News September 25, 2025
தொடர் விடுமுறையையொட்டி சிறப்பு பேருந்து
ஆயுதபூஜை மற்றும் தொடர் விடுமுறையையொட்டி நாளை முதல் வரும் 30-ந் தேதி வரை 3,225 சிறப்பு பஸ்கள் உள்பட 11,593 பஸ்கள் இயக்கப்பட உள்ளன.
தீபாவளி பண்டிகைக்கு, சென்னையில் இருந்து அக்டோபர் 16-ந் தேதி முதல் 23-ந் தேதி வரை 4,253 சிறப்பு பஸ்கள் உள்பட 10,529 பஸ்கள் இயக்கப்பட உள்ளன. அதாவது, 9,963 சிறப்பு பஸ்கள் உட்பட மொத்தம் 24,607 பஸ்கள் இயக்க முடிவு செய்யப்பட்டுள்ளன.
News September 25, 2025
சென்னை வந்தார் தெலுங்கானா முதல்வர்
கல்வியில் சிறந்த தமிழ்நாடு நிகழ்ச்சியில் கலந்து கொள்வதற்காக தெலுங்கானா முதல்வர் ரேவந்த் ரெட்டி சென்னை வந்தார். சென்னை வந்த ரேவந்த் ரெட்டியை விமான நிலையத்தில் அமைச்சர் டி.ஆர்.பி.ராஜா வரவேற்றார். சென்னை நேரு உள்விளையாட்டு அரங்கில் நடைபெறவுள்ள இந்நிகழ்வுக்கு அப்பகுதியில் பலத்த பாதுகாப்பு போடப்பட்டுள்ளது.