News November 28, 2025
திருச்சி: 23.13 லட்சம் எஸ்ஐஆர் படிவங்கள் விநியோகம்
திருச்சி மாவட்டத்தில் வாக்காளர் பட்டியல் சிறப்பு தீவிர திருத்த பணிகள் விறுவிறுப்பாக நடைபெற்று வருகிறது. மாவட்டத்தில் உள்ள 23,68,967 வாக்காளர்களில் நேற்று (நவ.27) மாலை நிலவரப்படி 23,13,892 வாக்காளர்களுக்கு கணக்கீட்டு படிவம் விநியோகம் செய்யப்பட்டுள்ளது. இதில் 18,02,100 வாக்காளர்களிடமிருந்து பூர்த்தி செய்யப்பட்ட படிவங்கள் திரும்ப பெறப்பட்டுள்ளதாக மாவட்ட ஆட்சியர் சரவணன் தெரிவித்துள்ளார்.
Similar News
News November 30, 2025
திருச்சி: கஞ்சாவுடன் வசமாக சிக்கிய வாலிபர்கள்
திருச்சி – மதுரை தேசிய நெடுஞ்சாலையில் வளநாடு போலீசார் நேற்று வாகன தணிக்கையில் ஈடுபட்டிருந்தனர். அப்போது டூவீலர் ஒன்றை நிறுத்தி, அதில் வந்தவர்களை போலீசார் விசாரித்ததில் அவர்கள் முன்னுக்குப் பின் முரணாக பதில் அளித்துள்ளனர். இதையடுத்து அவர்களது பையை சோதனை செய்ததில், அதில் 2 கிலோ கஞ்சா இருப்பது தெரியவந்தது. அதனைத் தொடர்ந்து கடத்தலில் ஈடுபட்ட கனிமுகமது, கெளதம் ஆகியோரை போலீசார் கைது செய்தனர்.
News November 30, 2025
திருச்சி: தாய் இறந்த சோகத்தில் மாணவி தற்கொலை
ஸ்ரீரங்கம் புது தெருவை சேர்ந்தவர் கிருத்திகா (17). இவர் திருச்சியில் உள்ள தனியார் கல்லூரியில் முதலாம் ஆண்டு படித்து வந்துள்ளார். இந்நிலையில் கடந்த 5 மாதங்களுக்கு முன் இவரது தாயார் உடல் நலம் பாதிக்கப்பட்டு உயிரிழந்துள்ளார். இதனால் மிகுந்த சோகத்தில் இருந்து வந்த கிருத்திகா நேற்று முன்தினம் இரவு, துக்கம் தாங்காமல் தூக்கிட்டு தற்கொலை செய்து கொண்டார். இது குறித்து ஸ்ரீரங்கம் போலீசார் விசாரிக்கின்றனர்.
News November 29, 2025
திருச்சி மாவட்ட மக்கள் கவனத்திற்கு!
திருச்சி மாவட்டத்தில் டிட்வா புயல் தொடர்பான புகார்களை தெரிவிக்க கிழக்கு 0431-2711602, மேற்கு 0431-2410410, திருவெறும்பூர் 0431-2555542, ஶ்ரீரங்கம் 0431-2230871, மணப்பாறை 04332-260576, மருங்காபுரி 04332-299381, லால்குடி 0431-2541233, மண்ணச்சநல்லூர் 0431-2561791, முசிறி 04326-260226, துறையூர் 04327-222393, தொட்டியம் 04326-254409 என்ற எண்ணில் தொடர்பு கொள்ளலாம் என ஆட்சியர் சரவணன் தெரிவித்துள்ளார்.