News August 14, 2025
திருச்சி அருகே காட்டுப்பன்றி தாக்கியதில் முதியவர் பலி
திருச்சி உத்தமர்சீலியை சேர்ந்த கணபதி (74) என்பவர் தனது விவசாய தோட்டத்திற்கு கடந்த 11-ம் தேதி நடந்து சென்றுள்ளார். அப்போது திடீரென முட்புதருக்குள் இருந்து ஓடி வந்த காட்டுப்பன்றி அவரை கடித்து குதறியது. இதில் படுகாயமடைந்த அவர் மருத்துவமனையில் சிகிச்சை பெற்று வந்த நிலையில், சிகிச்சை பலனின்றி பரிதாபமாக உயிரிழந்தார். இது குறித்து கொள்ளிடம் போலீசார் வழக்கு பதிவு செய்து விசாரணை நடத்தி வருகின்றனர்.
Similar News
News August 14, 2025
லால்குடி கார் விபத்தில் பலி எண்ணிக்கை 5-ஆக உயர்வு
லால்குடி அருகே மாந்துறை என்ற இடத்தில் கடந்த ஆகஸ்ட் 9-ம் தேதி கார் ஒன்று டூவீலர் மீது மோதி தலைகீழாக கவிழ்ந்த விபத்தில் விஸ்வநாதன், சாதிக் பாஷா, அரவிந்த், கார்த்திகேயன் 4 பேர் உயிரிழந்தனர். மேலும் விபத்தில் காயமடைந்த 5 பேர் திருச்சி அரசு மருத்துவமனையில் சிகிச்சை பெற்று வருகின்றனர். இதில் நபில் உசேன் என்பவர் சிகிச்சை பலனின்றி பரிதாபமாக இன்று உயிரிழந்தார். இதனால் பலி எண்ணிக்கை 5ஆக உயர்ந்துள்ளது.
News August 14, 2025
திருச்சி – ஈரோடு பயணிகள் ரயில் மூன்று நாட்கள் ரத்து
திருச்சி – ஈரோடு பயணிகள் ரயில் பகுதியாக ரத்து செய்யப்படுவதாக அறிவிக்கப்பட்டுள்ளது. இது குறித்து திருச்சி கோட்ட ரயில்வே நிர்வாகம் வெளியிட்டுள்ள அறிக்கையில், “திருச்சி – ஈரோடு பயணிகள் ரயிலானது வரும் 15,18, 21 ஆகிய தினங்கள் பகுதியாக ரத்து செய்யப்படுகிறது. இந்த ரயில் திருச்சி ரயில் நிலையத்திலிருந்து, கரூர் ரயில் நிலையம் வரை மட்டுமே இயக்கப்படும் என தெரிவிக்கப்பட்டுள்ளது.
News August 14, 2025
திருச்சி: பாலியல் அத்துமீறலில் ஈடுபட்ட காவலர் சஸ்பெண்ட்
திருச்சி, பொன்மலை அருகே கடந்த ஆக.8 அன்று அஞ்சலக பெண் ஊழியரிடம் பாலியல் அத்துமீறலில் ஈடுபட்ட காணக்கிளியநல்லூர் காவல் நிலைய 2ஆம் நிலை காவலர் கோபாலகிருஷ்ணன் மீது பொன்மலை போலீசார் வழக்கு பதிவு செய்து நேற்று சிறையில் அடைத்தனர். இதனையடுத்து தமிழக காவல்துறை ஒழுங்கு விதிகளுக்கு மாறாக நடந்து கொண்டதால் காவலர் கோபாலகிருஷ்ணனை பணியிட நீக்கம் செய்து திருச்சி மாவட்ட எஸ்.பி செல்வநாகரத்தினம் உத்தரவிட்டார்.