News January 4, 2026
திமுக ஆட்சியை அகற்ற விரதம் இருங்கள்: நயினார்
திமுக ஆட்சியை அகற்ற அடுத்த 3 மாதத்திற்கு பாஜகவினர் விரதம் இருக்க வேண்டும் என நயினார் நாகேந்திரன் கோரிக்கை விடுத்துள்ளார். மேலும், TN-ல் எங்கும் போதை மயம். எங்குமே பெண்களுக்கு பாதுகாப்பில்லை என விமர்சித்தார். அதோடு கரூரில் 41 பேர் உயிரிழந்ததற்கு செந்தில் பாலாஜியே காரணம் என்றும், திருப்பரங்குன்றத்தில் பூரண சந்திரன் தீக்குளித்ததற்கு காரணம் CM ஸ்டாலின் என்றும் பகிரங்கமாக குற்றஞ்சாட்டியுள்ளார்.
Similar News
News January 7, 2026
BREAKING: பொங்கல் பரிசு.. CM ஸ்டாலின் அடுத்த அறிவிப்பு
நாளை (ஜன.8) முதல் பொங்கல் பரிசு வழங்கப்படும் என CM ஸ்டாலின் அறிவித்துள்ளார். பொங்கலை மகிழ்ச்சியாக கொண்டாட ₹3,000 பரிசுத் தொகையை அறிவித்துள்ளதாகவும் அவர் கூறியுள்ளார். 2.22 கோடி ரேஷன் அட்டைதாரர்களுக்கு பொங்கல் தொகுப்பு வழங்கும் பணி நாளை முதல் தொடங்கவுள்ளது. இதற்காக டோக்கன் விநியோகிக்கும் பணிகள் மும்முரமாக நடைபெற்று வரும் நிலையில், ஜன.13 வரை பொங்கல் பரிசுகள் வழங்கப்படவுள்ளன.
News January 7, 2026
பாடம் நடத்துவதா? நாய்களை எண்ணுவதா?
மக்கள் தொகை கணக்கெடுப்பு, தேர்தல் பணி என ஏற்கனவே பணிச்சுமையில் தவிக்கும் பிஹார் ஆசிரியர்களுக்கு இப்போது ‘நாய் கணக்கெடுப்பு’ பணியும் வழங்கப்பட்டுள்ளது. பள்ளிக்கு ஒரு ஆசிரியரை நோடல் அதிகாரியாக நியமித்து, தெருநாய்களின் எண்ணிக்கை, உடல்நிலையை பட்டியலிட சாசாராம் மாநகராட்சி உத்தரவிட்டுள்ளது. இதனால், ‘பாடம் நடத்துவதா? அல்லது வீதி வீதியாக நாய்களை எண்ணுவதா?’ என ஆசிரியர்கள் வேதனையுடன் குமுறுகின்றனர்.
News January 7, 2026
மம்தாவுக்கு மனநல சிகிச்சை தேவை: பாஜக
மே.வங்கத்தில் வாக்காளர் பட்டியலை திருத்துவதற்கு, பாஜக IT செல் உருவாக்கிய APP-ஐ ECI பயன்படுத்துவதாக <<18784581>>மம்தா பானர்ஜி<<>> குற்றஞ்சாட்டியிருந்தார். இதற்கு பதிலளித்துள்ள அம்மாநில எதிர்க்கட்சி தலைவர் (பாஜக) சுவேந்து அதிகாரி, மம்தாவுக்கு மனநல சிகிச்சை தேவை என்று கடுமையாக விமர்சித்துள்ளார். அப்படி சிகிச்சை பெறவில்லையெனில், சுப்ரீம் கோர்ட்டுக்கு செல்ல வேண்டியிருக்கும் என்றும் அவர் குறிப்பிட்டுள்ளார்.