News December 30, 2025
திமுக அரசுக்கு பயம்: அன்புமணி
நலத்திட்ட தாக்க மதிப்பீட்டு ஆய்வு நடத்த தமிழக அரசுக்கு இருக்கும் அதிகாரம், சாதிவாரி சர்வே நடத்த இல்லையா என அன்புமணி கேள்வி எழுப்பியுள்ளார். இதுதொடர்பான தனது அறிக்கையில், சாதிவாரி சர்வே நடத்தப்பட்டால், பிற்படுத்தப்பட்ட, மிகவும் பிற்படுத்தப்பட்ட, இஸ்லாமிய, பட்டியலின மற்றும் பழங்குடியின மக்களுக்கு இழைக்கப்பட்ட சமூக அநீதிகள் அம்பலமாகிவிடும் என திமுக அரசு அஞ்சுவதாகவும் அவர் குறிப்பிட்டுள்ளார்.
Similar News
News February 7, 2026
விஜய்யால் திமுகவுக்கே பாதிப்பு: TTV
திமுக ஆட்சிக்கு எதிரான வாக்குகள் அதிமுக கூட்டணிக்கே வரும் என்று TTV கூறியுள்ளார். தேர்தலில் விஜய்யின் தாக்கம் திமுகவுக்கே பாதிப்பை ஏற்படுத்தும் என்ற அவர், யாரையெல்லாம் வாக்குவங்கியாக திமுக கொண்டுள்ளதோ, அதில் விஜய் சரிவை உண்டாக்குவார் என நம்புவதாகவும் தெரிவித்தார். மேலும், ஆட்சியின் மீது கோபம் இருந்தாலும், திமுகவுக்கு வாக்களிக்கும் அனுதாபிகள் இம்முறை விஜய்க்கு வாக்களிப்பார்கள் என்றார்.
News February 7, 2026
ஸ்குவிட் கேம் பார்த்த சிறார்களுக்கு மரண தண்டனை
வடகொரியாவில் சிறு சிறு குற்றங்களுக்கு கூட கிம் ஜாங் உன் அரசு குற்றவாளிகளுக்கு கடுமையான தண்டனை வழங்குவது உண்டு. இதில் சிறியவர், பெரியவர் என வயது பாரபட்சம் கிடையாது. இந்நிலையில், மிகவும் பிரபலமான ஸ்குவிட் கேம் தொடர், K டிராமா பார்த்த பள்ளி சிறுவர்களுக்கு மரண தண்டனை விதிக்கப்பட்டதாக சர்வதேச ஊடகங்கள் செய்தி வெளியிட்டுள்ளன. வெளிநாட்டு படங்களை பார்ப்பதற்கு வடகொரியாவில் தடை இருப்பது குறிப்பிடத்தக்கது.
News February 7, 2026
இந்தியா மீதான 25% வரியை நீக்கிய டிரம்ப்
இந்திய பொருள்கள் மீதான இறக்குமதி வரி குறைப்பு உத்தரவில் அமெரிக்க அதிபர் டிரம்ப் கையெழுத்திட்டுள்ளார். ரஷ்யாவிடம் இருந்து எண்ணெய் வாங்குவதை நிறுத்துவதாக இந்தியா ஒப்புக்கொண்டதையடுத்து, கூடுதலாக விதித்திருந்த 25% வரியை அவர் நீக்கியுள்ளார். முன்னதாக, $500 பில்லியன் அளவுக்கு அமெரிக்காவிடம் இருந்து தொழில்நுட்ப, விவசாய, நிலக்கரி பொருள்களை வாங்க இந்தியா சம்மதம் தெரிவித்திருந்தது.