News January 21, 2026
திமுகவை வீட்டுக்கு அனுப்ப TTV வருகை: அண்ணாமலை
பாஜக மாநில தலைவர் நயினாருக்கு எதிராக கருத்து கூறி வந்த TTV, அண்ணாமலையுடன் நட்பை தொடர்ந்து வந்தார். இருவரும் அடிக்கடி சந்தித்து கூட்டணி குறித்து பேசி வந்த நிலையில், இன்று அமமுக, NDA கூட்டணியில் இணைந்துவிட்டது. இந்நிலையில், NDA கூட்டணியில் இணைந்த TTV-யின் அனுபவமும், தேர்ந்த வியூகங்களும், வரும் தேர்தலில் மக்கள் விரோத திமுக ஆட்சியை அகற்ற, முக்கியப் பங்கு வகிக்கும் எனக் கூறி அண்ணாமலை வரவேற்றுள்ளார்.
Similar News
News January 26, 2026
ஹாட்ரிக் வெற்றியுடன் இந்தியா அபார சாதனை!
நியூசிலாந்து அணிக்கு எதிரான டி20 தொடரை 3 ஹாட்ரிக் வெற்றியுடன் இந்திய அணி கைப்பற்றியது. குறிப்பாக 3-வது டி20-யில் வெறும் 10 ஓவர்களில் 154 ரன்கள் என்ற இலக்கை எட்டியது. இதன்மூலம் ICC முழு உறுப்பினர் அணிக்கு எதிராக அதிக பந்துகள்(60) மீதம் வைத்து 150+ இலக்கை துரத்திய அணி என்ற பெருமையை பெற்றது. மேலும் 2024 முதல் டி20-யில் தொடர்ச்சியாக அதிக வெற்றிகளை (11*) குவித்த அணியாகவும் இந்தியா மாறியுள்ளது.
News January 26, 2026
சங்ககால நட்புடன் மம்மூட்டியை வர்ணித்த கமல்
நண்பர் மம்மூட்டி இப்போது பத்ம பூஷன் மம்மூட்டியாகி இருக்கிறார் எனக் கூறி கமல்ஹாசன் வாழ்த்து தெரிவித்துள்ளார். மேலும், நான் அவரையும் அவர் என்னையும் தூர இருந்து ரசித்து, ஒரு ‘கோப்பெருஞ்சோழன் பிசிராந்தையார்’ நட்பை நீண்ட நாட்களாகப் பேணி வருகிறோம் என்றும், என்னுடைய ரசிகர்கள் அவருடைய ரசிகர்களாகவும் இருக்க வேண்டும் என்பதே ஒரு மம்மூட்டி ரசிகனாக என்னுடைய எதிர்பார்ப்பு எனவும் கூறியுள்ளார்.
News January 26, 2026
உலக வரலாற்றில் விஜய்க்கு கிடைக்கும் தனிச்சிறப்பு: KAS
தேர்தல் தேதி அறிவிக்கப்பட்டதும், தவெகவிற்கு வாக்களிப்பதற்காக வெளிநாடுகளில் இருந்து சுமார் 3 லட்சம் பேர் TN-க்கு வருவார்கள் என செங்கோட்டையன் தெரிவித்துள்ளார். மேலும், ஒரு தலைவருக்கு வாக்களிப்பதற்காக இவ்வளவு பெரிய எண்ணிக்கையிலான வெளிநாட்டுத் தமிழர்கள் அணிதிரள்கின்றனர் என்றும், உலக வரலாற்றிலேயே விஜய்க்கு மட்டுமே கிடைத்திருக்கும் ஒரு தனிச்சிறப்பு இது எனவும் கூறியுள்ளார்.