News February 2, 2026
திமுகவில் இணைந்தார்.. அன்புமணி அதிர்ச்சி

வன்னியர் பாதுகாப்பு பேரியக்க தலைவர் செந்தில் தனது ஆதரவாளர்களுடன் திமுகவில் இணைந்தார். புதுவை திமுக தேர்தல் பொறுப்பாளரும், MP-யுமான ஜெகத்ரட்சகன் ஏற்பாட்டில் இந்த இணைப்பு நடந்துள்ளது. வரும் தேர்தலில் புதுவையில் திமுக- காங்., கூட்டணி ஆட்சியை கைப்பற்ற பல்வேறு வியூகங்களுடன் மாற்றுக் கட்சியினரை தங்கள் வசம் இழுத்து வருகின்றனர். செந்தில் திமுகவில் இணைந்தது அன்புமணி தரப்புக்கு அதிர்ச்சியை கொடுத்துள்ளதாம்.
Similar News
News February 3, 2026
கூட்டணி விஷயத்தில் பேரமா? கொந்தளித்த பிரேமலதா

கூட்டணி குறித்து திடமான முடிவை எடுக்காமல் திமுக, அதிமுக ஆகிய கட்சிகளிடம் பிரேமலதா பேரம் பேசுவதாக ஊடகங்களில் கிசுகிசுக்கப்பட்டது. இந்நிலையில், பிற கட்சிகள் தங்களுக்கு தேவையான தொகுதிகளை கேட்டால் அது கூட்டணி பேச்சுவார்த்தையாம்; அதே உரிமையில் தேமுதிக கேட்டால் பேரம் என்று விமர்சிக்கப்படுவதாக பிரேமலதா தெரிவித்துள்ளார். இது எந்த வகையில் நியாயம், நீதி எனவும் அவர் கேள்வி எழுப்பியுள்ளார்.
News February 3, 2026
திமுகவை வீழ்த்தும் சக்தி விஜய்க்கு இல்லை: உதயகுமார்

திமுகவை தவெகவால் மட்டுமே வீழ்த்த முடியும் என விஜய் பேசியதற்கு EX அமைச்சர் ஆர்.பி.உதயகுமார் பதிலடி கொடுத்துள்ளார். திமுகவின் தவறை தட்டி கேட்டு அதை வீழ்த்தும் ஒரே சக்தி அதிமுக மட்டும்தான் என அவர் திட்டவட்டமாக கூறியுள்ளார். மேலும், தேர்தல் முடிவுக்கு பிறகு யார் களத்தில் உள்ளார்கள்? யார் காணாமல் போனார்கள்? என்று தெரியும் எனவும் அவர் தெரிவித்துள்ளார்.
News February 3, 2026
தவெகவில் இணைகிறேனா? ஓபிஎஸ் பதில்

அதிமுகவில் OPS-ஐ சேர்க்கவே முடியாது என EPS கதவை அடைத்துவிட்டார். அதேநேரம், திமுகவில் OPS இணையலாம் என்றும் கூறப்படுகிறது. இதனிடையே, தவெகவில் இணைவதே OPS-க்கு நல்ல முடிவாக இருக்கும் என சில TVK நிர்வாகிகள் கூறினர். இந்நிலையில், இதுகுறித்து எழுப்பிய கேள்விக்கு, ‘நீங்கள் தவெக கட்சியா?’ என OPS செய்தியாளர்களிடம் மழுப்பலாக பதிலளித்துள்ளார். இதனால் அவர் யாருடன் கூட்டணி வைப்பார் என்ற பேச்சு எழுந்துள்ளது.


