News November 7, 2024
தமிழக அரசுக்கு நன்றி தெரிவித்த திருப்பத்தூர் தாய்
திருப்பத்தூர் மாவட்டம் நாட்றம்பள்ளி வட்டத்திற்கு உட்பட்ட நாராயணபுரம் பகுதியைச் சேர்ந்த மலர் என்பவரின் இரு பிள்ளைகளை படிக்க வைக்க உதவி செய்ய வேண்டும் என்று கடந்த திங்கள் தின குறைதீர்ப்பு கூட்டத்தில் கலந்து கொண்டு மனு வழங்கினார். உடனடியாக மாவட்ட ஆட்சியர் தர்ப்பகராஜ் அவரின் 2 பிள்ளைகள் படிக்க தகுந்த நடவடிக்கை எடுத்த நிலையில், தாய் மலர் அரசின் செயல்பாடுகளால் மனம் நிறைந்ததாக பாராட்டு தெரிவித்தார்.
Similar News
News November 19, 2024
திருப்பத்தூரில் ரேஷன் கடை விற்பனையாளர் நேர்முக தேர்வு
திருப்பத்தூர் மாவட்டத்தில் கூட்டுறவு நிறுவனங்களில் காலியாக உள்ள ரேஷன் கடை விற்பனையாளர் பணியிடங்களை நிரப்புவதற்கான நேர்முகத் தேர்வு வருகிற 25-ம் தேதி முதல் தொடர்ந்து 6 நாட்கள் நேர்முக தேர்வு பொதிகை கல்லூரியில் நடைபெறுகிறது. நேர்முக தேர்வில் பங்கேற்க அனுமதி சீட்டு, கல்வி தகுதி சான்றிதழ், 2 பாஸ்போர்ட் சைஸ் போட்டோ கொண்டு வரவேண்டும் என கூட்டுறவு துறை அதிகாரிகள் நேற்று தெரிவித்துள்ளனர்.
News November 19, 2024
திருப்பத்தூரில் கிராமசபை கூட்டம்
திருப்பத்தூர் மாவட்டத்தில் உள்ள 208 ஊராட்சிகளிலும் வருகின்ற 23.11.2024 சனிக்கிழமை காலை 11 மணியளவில் உள்ளாட்சி தினத்தை முன்னிட்டு கிராமசபை கூட்டம் நடத்த மாவட்ட ஆட்சித் தலைவர் தர்ப்பகராஜ், வட்டார வளர்ச்சி அலுவலர்களுக்கு உத்தரவு பிறப்பித்துள்ளார். இதன் அடிப்படையில் அனைத்து கிராம சபை கூட்டத்திலும் அரசு அலுவலர்கள் கலந்து கொள்ள கேட்டுக் கொண்டுள்ளார்.
News November 19, 2024
கள்ளச்சாராயம் விற்றவர்கள் மனம் திருந்தி ஆட்சியரிடம் மனு
திருப்பத்தூர், வாணியம்பாடி, நாட்றம்பள்ளி, ஜோலார்பேட்டை, ஆம்பூர், ஆகிய பகுதிகளில் தமிழக அரசால் தடை செய்யப்பட்ட கள்ளச்சாராயம் விற்பனையில் ஈடுபட்ட 170 நபர்கள் மனம் திருந்தி இனிமேல் கள்ள சாராயம் விற்பனை ஈடுபட மாட்டோம் எனவும், தங்கள் வாழ்வாதாரம் மேம்பட கறவை மாடுகள் வழங்க வேண்டும் எனவும் நேற்று நடைபெற்ற மக்கள் குறைத்தீர்வு நாள் கூட்டத்தில் ஆட்சியரிடம் மனு அளித்தனர்.