News November 6, 2024
டெங்கு காய்ச்சலால் 6 வயது சிறுமி உயிரிழப்பு
செங்கல்பட்டு அரசு மருத்துவமனையில், டெங்கு காய்ச்சல் தொற்றால் அனுமதிக்கப்பட்ட செய்யூர் தேவராஜபுரம் பகுதியைச் சேர்ந்த யாத்திகா (6) என்ற சிறுமி சிகிச்சை பலனின்றி நேற்று காலை உயிரிழந்தார். ஊராட்சி நிர்வாகம் தூய்மை பணியை செய்யத் தவறியதால், இதுபோன்ற சோகச் சம்பவம் ஏற்பட்டதாக பொதுமக்கள் குற்றம் சாட்டியுள்ளனர். மேலும், மாவட்ட நிர்வாகம் இதில் தலையிட்டு நடவடிக்கை எடுக்க வேண்டும் என கோரிக்கை எழுந்துள்ளது.
Similar News
News November 19, 2024
16ஆவது மத்திய நிதிக்குழுவினை வரவேற்ற மாவட்ட ஆட்சியர்
திருப்போரூர் வட்டத்திற்கு உட்பட்ட வடநெம்மேலியில் உள்ள கடல்நீரை குடிநீராக்கும் திட்டப் பகுதியினை பார்வையிட வருகை புரிந்த 16ஆவது மத்திய நிதி குழுவினர் (நவ-19) செங்கல்பட்டு வந்தடைந்தனர். அவர்களை செங்கல்பட்டு மாவட்ட ஆட்சியர் அருண்ராஜ், பூங்கொத்து கொடுத்து வரவேற்றார். அப்போது அரசு அலுவலர்கள் உடன் இருந்தனர்.
News November 19, 2024
எக்ஸ்பிரஸ் ரயில்கள் தாம்பரத்தில் இருந்து இயக்கம்
சென்னை எழும்பூர் ரயில் நிலையத்தில் மேம்பாட்டு பணிகள் நடைபெற இருப்பதால், வரும் நவ.20ஆம் தேதி சென்னை எழும்பூர் – செங்கோட்டை எக்ஸ்பிரஸ் ரயில் (20681) இரவு 8.55 மணிக்கும், 21ஆம் தேதி சென்னை எழும்பூர் – நாகர்கோவில் எக்ஸ்பிரஸ் ரயில் (12667) இரவு 7.30 மணிக்கும், 23ஆம் தேதி சென்னை எழும்பூர் – ஜோத்பூர் எக்ஸ்பிரஸ் ரயில் (22663) பகல் 2.50 மணிக்கும் தாம்பரம் ரயில் நிலையத்தில் இருந்து இயக்கப்படும்.
News November 19, 2024
வாகன ஓட்டிகளுக்கு போலீசார் அட்வைஸ்
பயணம் செய்யும் நேரங்களில் வாகனங்களை பொறுப்புடனும், சமூக அக்கறையுடனும் இயக்கினாலே விபத்தில்லா பயணங்களை மேற்கொள்ளலாம் என செங்கல்பட்டு காவல் மாவட்ட போலீசார் பொதுமக்களுக்கு வேண்டுகோள் எடுத்துள்ளனர். மேலும், சாலை விதிகளை கடைப்பிடித்தால் நிம்மதியான பயணத்தை மேற்கொள்ளலாம் எனவும் அறிவுறுத்தி உள்ளனர். வேகமாக இயக்குவது, சாகச பயணங்களில் ஈடுபடுவது, சக வாகன ஓட்டினை அச்சுறுத்துவது போன்ற செயல்கள் வேண்டாம்.