News December 10, 2025
டிரம்ப்பை சீண்டியதால் இந்தியா மீது வரி: ரகுராம்
பாகிஸ்தான் உடனான போர் நிறுத்தத்திற்கு டிரம்ப் காரணமில்லை என்று கூறியதே, இந்தியா மீது அமெரிக்கா 50% வரிவிதிக்க காரணம் என RBI EX கவர்னர் ரகுராம் ராஜன் தெரிவித்துள்ளார். இந்தியாவின் கூற்று டிரம்ப்பின் ஈகோவை சீண்டிவிட்டதாகவும் அவர் கூறியுள்ளார். ஆனால், பாகிஸ்தான் சிறப்பாக செயல்பட்டது. டிரம்ப்பால் தான் போர் நின்றது என்று துதிபாடியதால், அமெரிக்கா 16% வரியோடு நிறுத்திவிட்டதாகவும் தெரிவித்துள்ளார்.
Similar News
News December 10, 2025
தவெகவில் இருந்து விலகி திமுகவில் இணைந்தார்
2026 தேர்தல் களம் சூடுபிடித்துள்ள நிலையில், திமுக, அதிமுக, தவெக உள்ளிட்ட கட்சிகள் மாற்றுக் கட்சியினரை தங்கள் கட்சியில் இணைக்கும் பணியில் ஈடுபட்டு வருகின்றனர். இந்நிலையில், நெல்லை தெற்கு மாவட்ட தவெக வர்த்தக அணி அமைப்பாளர் வடிவேல் முருகன், கிழக்கு மாவட்ட திமுக பொறுப்பாளர் கிரகாம்பெல் முன்னிலையில் திமுகவில் இணைந்தார். அவருடன் 50-க்கும் மேற்பட்ட தவெக தொண்டர்கள் திமுகவில் இணைந்தனர்.
News December 10, 2025
UNESCO கலாசார பட்டியலில் தீபாவளி.. PM மோடி பெருமிதம்
ஒளிகளின் திருவிழாவான தீபாவளியின் பாரம்பரியம், கலாசார பின்னணியின் முக்கியத்துவத்தை அங்கீகரித்து, அதை கலாசார பட்டியலில் சேர்த்துள்ளதாக UNESCO தெரிவித்துள்ளது. இதனால் இந்தியாவிலும், உலகெங்கிலும் உள்ள மக்கள் மகிழ்ச்சி அடைந்துள்ளதாக PM மோடி X-ல் பதிவிட்டுள்ளார். தீபாவளியை இந்திய நாகரிகத்தின் ஆன்மா என குறிப்பிட்டுள்ள அவர், ராமரின் கொள்கைகள் நம்மை என்றென்றும் வழிநடத்தட்டும் என்று கூறியுள்ளார்.
News December 10, 2025
பார்வதி, கம்ருதீனுக்கு ரெட் கார்டா?
பிக்பாஸில் விஜே பார்வதி, கம்ருதீனுக்கு ரெட் கார்டு கொடுக்கப்படலாம் என தகவல்கள் தெரிவிக்கின்றன. ஏற்கெனவே, அவர்கள் மைக் அணிவது உள்ளிட்ட விதிகளை மதிக்காததால் வீட்டிற்கு முட்டை, பால் வழங்குவதை பிக்பாஸ் நிறுத்திவிட்டார். இதனால் இதர போட்டியாளர்களும் அவதிப்படுகின்றனர். இந்நிலையில் மீண்டும் விதிகளை மீறி சகபோட்டியாளர்களை வேண்டுமென்றே கடுப்பேற்றுகின்றனர். வார இறுதியில், விஜய்சேதுபதி சாட்டையை சுழற்றுவாரா?