News January 14, 2026
சிவாஜியின் பராசக்திக்கு 130 கட் கொடுத்தார்கள்: வானதி
காங்கிரஸ் ஆட்சி காலத்தில் வெளியான சிவாஜியின் பராசக்தி படத்திற்கு 2 நாட்கள் சென்சார் செய்து, 130 கட் கொடுக்கப்பட்டதாக வானதி சீனிவாசன் தெரிவித்துள்ளார். மேலும் எமர்ஜென்சி மூலம் இந்தியாவின் குரல்வளையை நெறித்தது காங்கிரஸ் தான் என்றும், ஜன நாயகன் விவகாரம் நீதிமன்றத்தின் கையில் இருக்கிறது எனத் தெரிந்தும் வேண்டுமென்றே பாஜகவை ராகுல்காந்தி குறை கூறுவதாகவும் வானதி குற்றஞ்சாட்டியுள்ளார்.
Similar News
News January 25, 2026
ICC-யை எதிர்க்க போவதில்லை: வங்கதேசம்!
T20I WC-ல் இருந்து விலக்கப்பட்டதை அடுத்து, ICC-ன் முடிவை மதிப்பதாக வங்கதேச கிரிக்கெட் வாரியம் தெரிவித்துள்ளது. போட்டி நடைபெறும் இடத்தை மாற்ற, முடிந்தவரை முயற்சி செய்தோம் என கூறியுள்ளது. மேலும், தங்களது முடிவை ICC விரும்பவில்லை என்றால் என்ன செய்ய முடியும்? என குறிப்பிட்டு, ICC-ன் முடிவை எதிர்த்து நிற்க போவதில்லை என வங்கதேச கிரிக்கெட் வாரிய ஊடகக் குழு தலைவர் அம்ஜத் ஹுசைன் விளக்கமளித்துள்ளார்.
News January 25, 2026
விஜய்யுடன் அதிமுக முன்னாள் அமைச்சர் இணைந்தார்
அதிமுக முன்னாள் அமைச்சர் கு.ப.கிருஷ்ணன், சற்றுமுன் தவெகவில் இணைந்துள்ளார். அதிமுக இரண்டாக பிளவுபட்ட பிறகு, OPS-ன் தீவிர ஆதரவாளராக இருந்தவர் இவர். சமீபகாலமாக OPS அணியினர் அடுத்தடுத்து வெளியேறி மாற்றுக்கட்சியில் இணைந்து வருகின்றனர். அந்தவகையில் இன்று விஜய் முன்னிலையில் கு.ப.கிருஷ்ணன் தன்னை தவெகவில் இணைத்துக் கொண்டார். 1991 – 1996 வரை விவசாயத்துறை அமைச்சராக இருந்தவர்.
News January 25, 2026
பத்மஸ்ரீ விருதுகள் பெறும் தமிழர்கள்!
2026-ம் ஆண்டுக்கான பத்ம விருதுகளை மத்திய அரசு அறிவித்துள்ளது. தமிழகத்தை சேர்ந்த கால்நடை ஆராய்ச்சியாளர் புண்ணியமூர்த்தி நடேசனுக்கு பத்மஸ்ரீ விருது அறிவிக்கப்பட்டுள்ளது. அதேபோல், ஓதுவார் திருத்தணி சாமிநாதன், நீலகிரியைச் சேர்ந்த ஓவியர் ஆர்.கிருஷ்ணா, வெண்கல சிற்பக் கலைஞர் கலியப்ப கவுண்டர், திருவாரூர் பக்தவச்சலம் உள்ளிட்டோருக்கும் பத்மஸ்ரீ விருது வழங்கப்பட உள்ளது.