News January 26, 2026
சிக்கன் விலை குறைந்தது
கூலி உயர்வு கேட்டு கறிக்கோழி வளர்ப்பு விவசாயிகள் போராட்டம் நடத்தியதால், கடந்த வாரம் சிக்கன் கிலோ ₹320 வரை விற்கப்பட்டது. தற்போது, அந்த பிரச்னை முடிவுக்கு வந்துள்ளதால், விலை குறையத் தொடங்கியுள்ளது. நாமக்கல்லில் கறிக்கோழி விலை (உயிருடன்) கிலோ ₹155-ல் இருந்து ஒரே வாரத்தில் ₹120 ஆக சரிந்துள்ளது. இதனால், கடைகளில் சிக்கன் கிலோ 240-க்கு கீழ் விற்பனை செய்ய வாய்ப்புள்ளது. உங்க பகுதியில் விலை என்ன?
Similar News
News February 8, 2026
தமிழ் நடிகர் சுனில் காலமானார்.. கடைசி PHOTO
’10 எண்றதுக்குள்ள’, ‘மிராய்’ தமிழ் படங்களில் நடித்த <<19075789>>சுனில் தபா(68)<<>> மாரடைப்பால் காலமானார். நேபாளை சேர்ந்த இவர், அந்நாட்டு மொழிப் படங்கள் மட்டுமின்றி ஹிந்தி, தெலுங்கு, தமிழ் உள்ளிட்ட பல மொழிகளில் நடித்துள்ளார். குறிப்பாக ‘மேரி கோம்’ படத்தில் இவரது நடிப்பு பெரும் கவனத்தை பெற்றது. காத்மண்டுவில் பொதுமக்கள் அஞ்சலிக்காக வைக்கப்பட்டுள்ள சுனில் உடலுக்கு பலரும் கண்ணீர் மல்க அஞ்சலி செலுத்தி வருகின்றனர்.
News February 8, 2026
திமுக அரசுக்கு இதற்கு கூட துப்பில்லை: அன்புமணி
தொழில்நுட்பக் கோளாறு காரணமாக இன்று நடைபெறவிருந்த <<19082017>>TNPSC Group 2<<>> முதன்மை தேர்வு ரத்தானது. இந்நிலையில், போட்டித் தேர்வை நடத்தக் கூட திமுக அரசுக்கு துப்பு இல்லை என அன்புமணி காட்டமாக விமர்சித்துள்ளார். எனவே, இதற்கு இளநிலை உதவியாளர்கள் உள்ளிட்டோரை பலிகடா ஆக்காமல் TNPSC உயர்பொறுப்பில் உள்ளவர்கள் மீது CM ஸ்டாலின் நடவடிக்கை எடுக்க வேண்டும் எனவும் வலியுறுத்தியுள்ளார்.
News February 8, 2026
அதிமுகவில் இணைந்தனர்.. செந்தில் பாலாஜிக்கு அதிர்ச்சி
தேர்தல் களம் சூடுபிடித்துள்ள நிலையில், சிலர் கட்சி மாறும் காட்சிகள் அதிகரித்துள்ளன. கரூரில் செந்தில் பாலாஜி, விஜயபாஸ்கர் இடையே இவ்விவகாரத்தில் கடும் போட்டி நிலவுகிறது. இந்நிலையில், கடந்த 6-ம் தேதி அதிமுகவில் இருந்து விலகி பலர் செந்தில் பாலாஜி முன்னிலையில் திமுகவில் இணைந்தனர். அவர்களில் சிலர் மீண்டும் இன்று விஜயபாஸ்கர் முன்னிலையில் அதிமுகவில் இணைந்தது செந்தில்பாலாஜிக்கு அதிர்ச்சியை கொடுத்துள்ளது.