News November 24, 2025
சாவு எப்படி வந்தது பாருங்க.. அதிர்ச்சி
சாவு எப்படி வரும் என்பதை யாராலும் கணிக்க முடியாது. மதுரையில் கிரிக்கெட் விளையாடிக் கொண்டிருந்த இளைஞர் விஷ்ணுவர்தன்(26) திடீரென உயிரிழந்ததே அதற்கு உதாரணம். தண்ணீர் தாகம் எடுத்த நிலையில், அங்கேயே அவர் மயங்கி விழுந்துள்ளார். உடனே சக நண்பர்கள், விஷ்ணுவர்தனை ஹாஸ்பிடலுக்கு தூக்கிச் சென்றுள்ளனர். ஆனால், மாரடைப்பால் அவர் உயிரிழந்ததாக டாக்டர்கள் தெரிவித்தனர். இளைஞர்களே உடலை பராமரியுங்கள்!
Similar News
News November 25, 2025
அடுத்த கல்வியாண்டு முதல் பள்ளிகளில் Syllabus மாறுகிறது
தேசிய கல்விக் கொள்கைக்கு மாற்றாக, மாநில கல்விக் கொள்கையை உருவாக்கும் பணியில் தமிழக அரசு ஈடுபட்டுள்ளது. இந்நிலையில், 2026 – 2027 கல்வியாண்டு முதல், மாநில கல்விக் கொள்கை அடிப்படையில் படிப்படியாக பாடத்திட்டங்களில் மாற்றம் கொண்டு வரப்படும் என அமைச்சர் அன்பில் மகேஸ் தெரிவித்துள்ளார். இதற்கு ஏற்றார்போல் ஆசிரியர்களுக்கும் பயிற்சி அளிக்கவுள்ளதாகவும் அவர் கூறியுள்ளார்.
News November 25, 2025
விளையாட்டில் வீறுநடைபோடும் இந்திய சிங்கப்பெண்கள்..
நவம்பர் மாதத்தில், இந்திய வீராங்கனைகள் வெற்றிக் கோப்பைகளை அடுத்தடுத்து வென்று வருவது, நாட்டின் விளையாட்டு வரலாற்றில் புதிய மைல்கல்லை எட்டியுள்ளது. நவ.2-ல் மகளிர் ஒருநாள் உலகக் கோப்பையை இந்திய அணி தட்டியது. தொடர்ந்து, நவ.23-ல் பார்வையற்றோர் டி20 உலகக் கோப்பையை இந்திய மகளிர் அணி கெத்தாக தனதாக்கியது. அதற்கு அடுத்த நாளே (நவ.24) கபடி மகளிர் உலகக்கோப்பையையும் இந்திய அணி வென்று சாதனை படைத்துள்ளது.
News November 25, 2025
நாங்கள் மடசாம்பிராணியாக இருக்கிறோம்: செல்லூர் ராஜு
மதுரையில் நடைபெற்று வரும் SIR பணிகள் குறித்து எங்களுக்கு ஒன்றுமே புரியவில்லை, நாங்கள் மட சாம்பிராணியாக இருக்கிறோம் என செல்லூர் ராஜூ கூறியுள்ளார். SIR பணிகளில் ஈடுபடுத்தப்பட்டுள்ள பலருக்கு, அதனை அப்லோட் செய்வது எப்படி என தெரியவில்லை, சிலருக்கு Internet வசதி இல்லை, சிலருக்கு அதற்கேற்ப மொபைல் போன் இல்லை என்றும் அவர் தெரிவித்துள்ளார். இப்படி இருந்தால், SIR-ன் நோக்கம் நிறைவேறாது என்றும் கூறினார்.