News April 18, 2024
சட்ட விரோதமாக கோவையில் தங்கியுள்ள நபர்கள்
கோவை வடக்கு மாவட்ட வழக்கறிஞர்கள் அணி அமைப்பாளராக இருக்கும் பழனிச்சாமி, மாவட்ட தேர்தல் அலுவலரிடம் இன்று புகார் மனு அளித்தார். அதில், அவிநாசி சாலை, அரவிந்த் கண் மருத்துவமனை அருகே பாஜக தேர்தல் அலுவலகத்தில், வெளியூர் ஆட்கள் சட்ட விரோதமாக தங்கி இருப்பதாக தெரிவிக்கப்பட்டுள்ளது. அலைபேசி மற்றும் தொலைபேசி வாயிலாக, வாக்காளர்களை தொடர்பு கொண்டு அண்ணாமலைக்கு வாக்களிக்க பிரச்சாரம் செய்து வருவதாக கூறினார்.
Similar News
News November 20, 2024
நேரு கல்விக் குழுமம் ரூ.4 கோடி சொத்து வரி பாக்கி
திருமலையாம்பாளையத்தில் செயல்படும் நேரு கல்விக் குழுமத்தின் கீழ் இரண்டு பொறியியல் கல்லூரி, ஒரு கலை அறிவியல் கல்லூரி, ஹெல்த் சயின்ஸ் கல்லூரி மற்றும் பள்ளி ஆகியவை செயல்படுகின்றன. கடந்த 10 ஆண்டுகளாக ரூ.4 கோடி பேரூராட்சிக்கு செலுத்த வேண்டிய சொத்து வரியை செலுத்தாமல் இருப்பதால், புதிய கட்டிடங்களுக்கு அனுமதி வழங்கக் கூடாது என்று கவுன்சிலர்கள் தீர்மானம் நிறைவேற்றியுள்ளனர்.
News November 20, 2024
கோவை சமூக நலத்துறையில் வேலைவாய்ப்பு
கோவை மாவட்ட ஆட்சியர் அலுவலகத்தில் இயங்கி வருகின்ற சமூக நலத்துறை அதிகாரிகள் இன்று கூறியதாவது: சமூக நலத்துறையின்கீழ் இயங்கி வருகின்ற சேவை மையத்தில் வழக்கு பணியாளர், பன்முக பணியாளர் என மூன்று இடங்களுக்கு பணியாளர்களை நியமிக்க உள்ளது. இதில் கலந்துகொள்ள வகுப்பு அல்லது டிகிரி படித்தவர்கள் விண்ணப்பிக்கலாம் என்று தெரிவித்துள்ளனர்.
News November 20, 2024
கோவை: கல்வி உதவித்தொகை பெற கலெக்டர் அழைப்பு
ஐ.ஐ.டி., ஐ.ஐ.எம்., ஐ.ஐ.ஐ.டி., என்.ஐ.டி. மற்றும் மத்திய பல்கலைக்கழகங்களில் பயிலும் தமிழகத்தைச் சேர்ந்த பிற்படுத்தப்பட்ட, மிகவும் பிற்படுத்தப்பட்ட மற்றும் சீர்மரபினர் இன மாணவர்கள் 2024–25ம் கல்வி ஆண்டிற்கான கல்வி உதவித்தொகை பெற https://bcmbcmw.tn.gov.in/ welfschemes.htm#scholarship_schemes என்ற இணையதள முகவரியில் விண்ணப்பிக்கலாம் என கோவை மாவட்ட கலெக்டர் கிராந்திகுமார் தெரிவித்துள்ளார்.