News January 2, 2026
கூட்டணி பேச்சுவார்த்தையில் SDPI மும்முரம்
அதிமுகவுடன் கூட்டணியில் இருந்த SDPI, அக்கட்சி NDA-வில் இணைந்ததால் கூட்டணியில் இருந்து விலகியது. இந்நிலையில், 2026 தேர்தல் கூட்டணி பற்றி இன்னும் முடிவெடுக்கவில்லை என நெல்லை முபாரக் தெரிவித்துள்ளார். SDPI அகில இந்திய மாநாட்டுக்கு (ஜன.20) பின் கூட்டணி பற்றி முடிவெடுக்கப்படும் என்றும் அவர் கூறியுள்ளார். அதேநேரம், ஆட்சியில் பங்கு என்ற எண்ணம் தற்போதைக்கு இல்லை என்றும் தெளிவுபடுத்தியுள்ளார்.
Similar News
News February 3, 2026
தேதி குறித்த விஜய்.. பிப்.6 முதல் தவெக விருப்ப மனு
தமிழகத்தில் 234 தொகுதிகளிலும் தவெக சார்பில் போட்டியிட விரும்புவோர் தங்கள் விருப்ப மனுவை அளிக்கலாம் என அக்கட்சி அறிவித்துள்ளது. பிப்.6 – பிப்.14-ம் தேதி வரை கட்சியின் தலைமை அலுவலகத்தில் மனுக்களை பெற்றுக்கொள்ளலாம் என தெரிவிக்கப்பட்டுள்ளது. ஆட்சி அதிகாரம் நம் கையில் இருந்தால் மட்டுமே தமிழ்நாட்டு மக்களின் எதிர்பார்ப்புகளை முழுவதுமாக நிறைவேற்ற முடியும் எனவும் அந்த அறிவிப்பில் குறிப்பிடப்பட்டுள்ளது.
News February 3, 2026
புதுச்சேரியிலும் திமுக – காங்., கூட்டணியில் குழப்பம்
புதுச்சேரியில் திமுக தேர்தல் பொறுப்பாளர் ஜெகத்ரட்சகன் தலைமையில் கூட்டணி கட்சிகளுடன் பேச்சுவார்த்தை நடத்தப்பட்டது. இதில் விசிக, கம்யூனிஸ்ட் கட்சிகள் பங்கேற்ற நிலையில் காங்கிரஸ் இடம்பெறவில்லை. இதுகுறித்து EX CM நாராயணசாமியிடம் கேட்டபோது காங்கிரஸுக்கு திமுக அழைப்பு விடுக்கவில்லை என தெரிவித்துள்ளார். இதனால் தமிழகத்தை போலவே புதுச்சேரியிலும் திமுக காங்கிரஸ் இடையே குழப்பம் நீடிப்பதாக தெரிகிறது.
News February 3, 2026
எல்லாத்தையும் டெல்லி கிட்ட கேட்கணுமா? அண்ணாமலை
திமுக காங்கிரஸ் கூட்டணி உடைந்த கண்ணாடி போன்றது என அண்ணாமலை கூறியுள்ளார். பிரவின் சக்கரவர்த்தி விஜய்யை சந்தித்தது குறித்து கருத்து தெரிவித்த அவர், பிரவீன் மீது TN காங்கிரஸ் தலைமை எந்த நடவடிக்கையும் எடுக்காமல் டெல்லிக்கு லெட்டர் எழுதியிருப்பதாக சொல்கின்றனர் என விமர்சித்துள்ளார். மேலும், இப்படி தொட்டதுக்கெல்லாம் டெல்லிக்கு செல்வதால்தான் காங்கிரஸை அடிமை கட்சி என கூறுவதாகவும் தெரிவித்துள்ளார்.