News January 20, 2026
கூட்டணி ஆட்சி கிடையாது: தம்பிதுரை திட்டவட்டம்
தமிழகத்தில் இதுவரை கூட்டணி ஆட்சி கிடையாது என்று கூறியுள்ள அதிமுக MP தம்பிதுரை, 2026-லும் கூட்டணி ஆட்சி இருக்காது என்று திட்டவட்டமாக தெரிவித்துள்ளார். ஓசூரில் பேசிய அவர், EPS தலைமையில் அதிமுக தனித்து தான் ஆட்சியை அமைக்கும் என்று கூறியுள்ளார். தேர்தலில் மட்டும் தான் கூட்டணி; ஆட்சியில் கூட்டணி கிடையாது என்று கூறிய அவர், கூட்டணி ஆட்சியை மக்கள் விரும்ப மாட்டார்கள் எனவும் குறிப்பிட்டுள்ளார்.
Similar News
News February 1, 2026
பட்ஜெட்டில் TN கேட்ட இந்த விஷயம் இல்லை
மாநிலங்களுக்கான நிதிப் பகிர்வை 41%-ல் இருந்து 50%ஆக உயர்த்த வேண்டும் என்று தமிழக அரசு கோரிக்கை வைத்திருந்தது. இந்நிலையில், இதனை ஏற்காத மத்திய அரசு, நிதிப் பகிர்வு விகிதம் 41%ஆக தொடரும் என மத்திய பட்ஜெட்டில் அறிவித்துள்ளது. இதனால் திட்டங்களை நிறைவேற்றுவதில் மாநில அரசின் மீதான நிதிச்சுமை அதிகரிக்கும் என வல்லுநர்கள் கூறுகின்றனர்.
News February 1, 2026
ஏப்ரல் 1-ல் புதிய வருமான வரிச்சட்டம் அமல்
புதிய வருமான வரிச்சட்டம் வரும் ஏப்ரல் 1-ம் தேதி முதல் அமலுக்கு வரும் என பட்ஜெட்டில் அறிவிக்கபட்டுள்ளது. மேலும் வருமான வரி தாக்கல் செய்யப்படும் முறை எளிதாக்கப்படும் என்றும் ITR1, ITR 2 தாக்கலுக்கான அவகாசம் நீட்டிக்கப்படும் எனவும் தெரிவிக்கப்பட்டுள்ளது. அதேபோல் வாகன விபத்துக்கான இழப்பீட்டுக்கு வரி விலக்கு அளிக்கப்படும் என்றும் கூறப்பட்டுள்ளது.
News February 1, 2026
இவற்றுக்கெல்லாம் வரி இல்லை.. நிர்மலா அறிவித்தார்
➤தரவு மையங்கள், கிளவுட் நிறுவனங்களுக்கு 2047-ம் ஆண்டு வரை முழு வரி விலக்கு அளிக்கப்படும் என பட்ஜெட்டில் அறிவிக்கப்பட்டுள்ளது. ➤விபத்து காப்பீட்டு தொகைக்கு வரி விலக்கு அளிக்கப்பட்டுள்ளது ➤மூலதனப் பொருட்களின் சுங்க உற்பத்திக்கு வரி இல்லை. ➤காலணிகள் ஏற்றுமதி செய்வோர் மூலப்பொருட்களை வரி இல்லாமல் இறக்குமதி செய்யலாம் ➤லித்தியம் பேட்டரிக்கு இறக்குமதி வரி இல்லை என தெரிவிக்கப்பட்டுள்ளது.