News April 3, 2026
குவைத் எண்ணெய் சுத்திகரிப்பு நிலையம் மீது தாக்குதல்
தங்களது கடல்நீர் சுத்திகரிப்பு நிலையம் & எண்ணெய் சுத்திகரிப்பு ஆலை மீது ஈரான் தாக்குதல் நடத்தியதாக குவைத் தெரிவித்துள்ளது. ஆனால், ஈரான் இதனை மறுத்ததுடன், இந்த தாக்குதலை இஸ்ரேல் நடத்தியதாக குற்றம்சாட்டியுள்ளது. அதேபோல் சவுதி, பஹ்ரைன், UAE உள்ளிட்ட நாடுகளிலும் ட்ரோன், ஏவுகணை தாக்குதல்கள் பதிவாகியுள்ளன. குவைத்தில் தாக்கப்பட்ட ஆலை, மத்திய கிழக்கிலேயே மிகப்பெரிய எண்ணெய் சுத்திகரிப்பு நிலையம் ஆகும்.
Similar News
News April 8, 2026
முன்னாள் அமைச்சர் காலமானார்
காங்., மூத்த தலைவரும், Ex மத்திய அமைச்சருமான மோஹ்ஷினா ஹித்வாய் (94) வயதுமூப்பால் காலமானார். இந்திரா காந்தி, ராஜீவ் காந்தி அமைச்சரவையில் (1982 – 1989) இடம்பெற்ற இவர், மருத்துவம், ஊரக & நகர்ப்புற மேம்பாட்டு துறைகளில் முக்கிய பங்காற்றியுள்ளார். இந்நிலையில், தனது எளிமை & கண்ணியமான அரசியலால் பல பெண்களுக்கு முன்னுதாரணமாக மோஹ்ஷினா திகழ்ந்துள்ளார் என ராகுல் X-ல் பதிவிட்டு இரங்கல் தெரிவித்துள்ளார்.
News April 8, 2026
தமிழக தேர்தல்: ₹462 கோடி பறிமுதல்
தமிழ்நாட்டில் தேர்தல் நடத்தை விதிகள் அமலுக்கு வந்ததுமுதல் நேற்றுவரை ₹462.74 கோடி மதிப்பு பணம், பரிசு பொருள்கள் பறிமுதல் செய்யப்பட்டுள்ளதாக ECI தெரிவித்துள்ளது. ₹92.07 கோடி ரொக்கப் பணம், ₹2.04 கோடி மதிப்புள்ள மதுபானம், ₹75.76 கோடி மதிப்புள்ள போதைப்பொருள், ₹214.38 கோடி தங்கம் & வெள்ளி, ₹78.49 கோடி மதிப்புள்ள இலவச பரிசு பொருள்களை பறக்கும்படை பறிமுதல் செய்துள்ளது.
News April 8, 2026
இனி 4 ஆண்டு B.Sc, B.Ed படிப்பு கிடையாது
பட்டப்படிப்புடன் ஆசிரியர் பயிற்சியும் இணைந்த ஒருங்கிணைந்த 4 ஆண்டு B.Sc, B.Ed மற்றும் B.A, B.Ed படிப்புகளை தமிழ்நாடு ஆசிரியர் கல்வியியல் பல்கலைக்கழகம் (TNTEU) வழங்கிவந்தது. இப்படிப்புகள் 2026-27 கல்வியாண்டு முதல் நிறுத்தப்படுவதாக TNTEU அறிவித்துள்ளது. மேலும், கல்வியியல் கல்லூரிகள் இந்த படிப்புகளில் மாணவர் சேர்க்கை மேற்கொண்டால் எந்த விதத்திலும் TNTEU பொறுப்பேற்காது என்றும் தெரிவிக்கப்பட்டுள்ளது.