News December 30, 2025
குமரி: மாடு முட்டி தூக்கி வீசப்பட்ட அரசியல் பிரமுகர்
அருமனை பாண்டியன் விளை பகுதியைச் சேர்ந்தவர் ஜாண் கிறிஸ்டோபர் (54). இவர் ஜனதா தளம் தலைவராக உள்ளார். இவர் நேற்று (டிச.29) இருசக்கர வாகனத்தில் சென்று கொண்டிருந்த போது எதிரே வந்த மாடு இவரது இருசக்கர வாகனத்தில் மோதியது. இதில் தூக்கி வீசப்பட்ட ஜாண் கிறிஸ்டோபர் பலத்த காயமடைந்தார். அக்கம்பக்கத்தினர் அவரை மீட்டு மருத்துவமனையில் சேர்த்தனர். இதுகுறித்து மார்த்தாண்டம் போலீசார் விசாரணை நடத்தினர்.
Similar News
News January 3, 2026
குமரி: பொங்கல் பண்டிகைக்கு சிறப்பு ரயில்..
பொங்கல் பண்டிகை இம்மாதம் கொண்டாடப்பட இருக்கிறது. இதனையொட்டி பொதுமக்கள் வசதிக்காக நாகர்கோவிலில் இருந்து தாம்பரத்திற்கு ஜன.,11 (ம) 18-ஆம் தேதிகளிலும், தாம்பரத்தில் இருந்து ஜன.,12 மற்றும் 19-ஆம் தேதிகளிலும் சிறப்பு ரயில் இயக்கப்படுகிறது. இதைப்போல் கன்னியாகுமரியில் இருந்து தாம்பரத்திற்கு ஜன.,13, 20 தேதிகளிலும், தாம்பரத்திலிருந்து குமரிக்கு ஜன.,14, 21 ஆகிய தேதிகளிலும் சிறப்பு ரெயில் இயக்கப்படுகிறது.
News January 3, 2026
குமரி: கார் கண்ணாடியை உடைத்த நபரால் பரபரப்பு…
குமரி மாவட்டம், நாகர்கோவில் அருகே உள்ள ஆசாரிப்பள்ளம் பகுதியில் மனநலம் பாதிக்கப்பட்ட நபர் ஒருவர் இன்று (ஜன.3) அதிகாலை சாலையோரம் நிறுத்தி வைக்கப்பட்டிருந்த கார் கண்ணாடியை உடைத்துள்ளார். இந்நிலையில் சம்பவ இடத்திற்கு வந்த போலீசார் அவரை பிடித்து மனநல காப்பகத்தில் சேர்க்க நடவடிக்கை எடுத்தனர். இதனால் அப்பகுதியில் சிறிது நேரம் பரபரப்பு ஏற்பட்டது.
News January 3, 2026
குமரி: ஆன்லைன் பண மோசடியால் வங்கி கணக்குகள் முடக்கம்..
குமரியில் பண மோசடி தொடர்பாக 2,89,83,656 ரூபாய் மோசடி நபர்களின் வங்கி கணக்குகள் சைபர் கிரைம் போலீசாரால் முடக்கப்பட்டுள்ளது. அதில் 1,53,29,516 ரூபாய் பாதிக்கப்பட்ட நபர்களுக்கு திரும்ப பெற்று கொடுக்கப்பட்டுள்ளது. மேலும், சமூக வலைதளங்களில் பொது அமைதியை கெடுக்கும் வகையில் அவதூறு பரப்புவோர் மீதும் வழக்குப்பதிவு செய்யப்பட்டு உரிய நடவடிக்கை எடுக்கப்பட்டுள்ளதாக குமரி காவல்துறை தெரிவித்துள்ளது.