News October 29, 2024
கால்நடை பட்டிகள் அமைக்க கலெக்டர் உத்தரவு
மதுராந்தகம், செய்யூர் தாலுகா பகுதி விவசாய நிலங்களில் சாகுபடி செய்யப்பட்டுள்ள பயிர்கள், கால்நடைகளால் பாதிக்கப்படுகின்றன. இதனால், சாகுபடி முழுமையாக செய்ய முடியாத சூழல் உள்ளது. எனவே இதை தவிர்க்க, அனைத்து ஊராட்சிகளிலும் கால்நடை அடைக்கும் பட்டிகள் ஏற்படுத்த வேண்டும் என விவசாயிகள் கலெக்டரிடம் கோரிக்கை விடுத்தனர். இதற்கான நடவடிக்கை எடுக்க ஊராட்சிகள் உதவி இயக்குனருக்கு கலெக்டர் அருண்ராஜ் உத்தரவிட்டார்.
Similar News
News November 20, 2024
சிட்கோ தொழிற்பேட்டையில் ஊழியர்கள் போராட்டம்
ஆலத்தூரில் சிட்கோ தொழிற்பேட்டையில் 30க்கும் மேற்பட்ட உயிர் காக்கும் மருந்துகள், மாத்திரைகள், ஊசிகள், குளுக்கோஸ் போன்றவை தயாரிக்கும் தொழிற்சாலைகள் உள்ளன. இங்கு பணிபுரியும் தொழிலாளர்கள் ஊதிய உயர்வு கேட்டு பலமுறை நிர்வாகத் திட்டம் கோரிக்கை வைத்தும் அவர்கள் ஏற்கவில்லை. இதனால், நேற்று காலை முதல் 40க்கும் மேற்பட்டோர் பணியை புறக்கணித்து தொழிற்சாலை வளாகத்தில் போராட்டத்தில் ஈடுபட்டனர்.
News November 20, 2024
கடலோர பாதுகாப்பு ஒத்திகை விழிப்புணர்வு பயிற்சி
கடலோர பாதுகாப்பு ஒத்திகை விழிப்புணர்வு பயிற்சி 20.11.2024 மற்றும் 21.11.2024 ஆகிய தேதிகளில் 2 நாட்கள் கல்பாக்கம் அணுமின் நிலையம் (IGCAR) வளாகத்தில் நடைபெற உள்ளது. எனவே, மேற்படி பகுதியில் வசித்துவரும் பொதுமக்கள் இது ஒத்திகை பயிற்சி என்பதால் இதுகுறித்து எவரும் பதற்றம் அடையவோ மற்றும் அச்சம் கொள்ளவோ வேண்டாம் என்று ஆட்சியர் அருண்ராஜ் கேட்டுக்கொண்டுள்ளார்.
News November 19, 2024
பினாங்கிற்கு சென்னையில் இருந்து விமான சேவை
பினாங்கிற்கு, சென்னையில் இருந்து நேரடி தினசரி விமான சேவை, வரும் டிசம்பர் மாதம் 21ஆம் தேதியில் இருந்து தொடங்குகிறது. தமிழர்கள் பெருமளவு வசிக்கும் பினாங்கிற்கு, விமான சேவை தொடங்க வேண்டும் என்று பல்வேறு தமிழ் அமைப்புகள் தொடர்ந்து வலியுறுத்தி வந்த நிலையில், இந்த விமான சேவை தொடங்கப்படுகிறது.