News November 18, 2024
காஞ்சிபுரத்தில் டெண்டர் நடக்கும் தேதி அறிவிப்பு
காஞ்சிபுரம் ராஜாஜி மார்க்கெட் பணிகள் அனைத்தும் முடிந்துவிட்ட நிலையில், வரும் 26ம் தேதி டெண்டர் நடைபெற உள்ளது. டெண்டர் தொகையாக 50 லட்ச ரூபாயும், உத்தரவாத தொகையாக ஒரு கோடி ரூபாயும் விதிக்கப்பட்டது. உத்தரவாத தொகை அதிகமாக இருப்பதாக வியாபாரிகள் கலெக்டரிடம் மனு அளித்ததால் 50 லட்ச ரூபாயாக குறைக்கப்பட்டுள்ளது. வரும் 26ம் தேதி டெண்டர் நடைபெறுவதாக வியாபாரிகள் சங்கங்களுக்கு நோட்டீஸ் அனுப்பப்பட்டுள்ளது.
Similar News
News November 19, 2024
அழிந்து வரும் மரங்கள்: நடவடிக்கை எடுக்க கோரிக்கை
காஞ்சிபுரம் மாவட்டத்தில் சுமார் 36.8 சதுர கி.மீ. மட்டுமே வனத்துறை உள்ளது. வருவாய் தரும் பனை மற்றும் ஈச்ச மரங்களை, ஏரிக்கரையோரத்தில் இருந்து வேருடன் வெட்டி, பிற மாநிலங்களுக்கு கடத்திச் செல்வது அதிகரித்துள்ளது. இந்தாண்டு, 10 மாதங்களில் மட்டும் 20,200 மரங்கள் வெட்டி கடத்தப்பட்டது வெளிச்சத்துக்கு வந்துள்ளது. எனவே, வனத்துறையினர் இதனை தடுக்க நடவடிக்கை எடுக்க வேண்டும் என வலியுறுத்தப்படுகிறது.
News November 19, 2024
நடைபயிற்சிக்கு முற்றிலும் தடை
காஞ்சிபுரம் மாவட்ட விளையாட்டு அரங்க மைதானத்தில், காலை 5:30 – 9:30 மற்றும் மாலை 5:00 – 8:00 மணி வரை, தினமும் 300க்கும் மேற்பட்டோர் நடைபயிற்சி மேற்கொள்வது வழக்கம். இந்நிலையில், மைதானத்தில் வீராங்கனையரின் நலன் கருதி நடைபயிற்சி மேற்கொள்ள முற்றிலும் தடைவிதித்து விளையாட்டு துறை அதிகாரிகள் பேனர் வைத்துள்ளனர். இதனால் நடைபயிற்சிக்கு வருவோர் அதிர்ச்சியடைந்துள்ளனர். இதுகுறித்து உங்கள் கருத்து என்ன?
News November 19, 2024
8,650 பேர் பெயர் சேர்க்க விண்ணப்பித்துள்ளனர்
காஞ்சிபுரம் மாவட்டத்தில் வாக்காளர் பட்டியலில் பெயர் சேர்க்க, நீக்க, திருத்தம் மேற்கொள்ள முதற்கட்ட முகாமாக கடந்த 16, 17 ஆகிய தேதிகளில் காஞ்சிபுரம் மாவட்டத்தில் உள்ள 1,401 ஓட்டுச்சாவடிகளில் நடைபெற்றது. பெயர் சேர்க்க – படிவம் 6, பெயர் நீக்க – படிவம் 7 உள்ளிட்ட விண்ணப்பங்களை வழங்கினர். முதற்கட்டமாக நடந்த முகாமில், 15,297 பேர் மனு அளித்துள்ளனர். இதில், 8,650 பேர் பெயர் சேர்க்க விண்ணப்பித்துள்ளனர்.