News November 24, 2025
கடலூர்: கணவர் இறந்த சோகத்தில் மனைவி உயிரிழப்பு
திட்டக்குடி அடுத்த கொரக்கை கிராமத்தை சேர்ந்தவர் ஓய்வுபெற்ற தலைமை ஆசிரியர் செல்ல பெருமாள்(90). இவரது மனைவி அலமேலு (80). வயது மூப்பு காரணமாக செல்ல பெருமாள் உயிரிழந்தார். இதையடுத்து நேற்று அவரது இறுதி சடங்கு நடைபெற்ற போது, துக்கம் தாங்காமல் இருந்த அலமேலு திடீரென மயங்கி விழுந்து உயிரிழந்தார். சாவிலும் இணைபிரியாத தம்பதி ஒன்றாக அடக்கம் செய்யப்பட்டது அப்பகுதியில் சோகத்தை ஏற்படுத்தியுள்ளது.
Similar News
News November 24, 2025
கடலூர் மாவட்டத்தில் பெய்த மழை நிலவரம்
கடலூர் மாவட்டத்தில் பல்வேறு இடங்களில் பரவலாக கனமழை பெய்து வருகிறது. இந்நிலையில் இன்று (நவ.24) காலை 8.30 மணி நிலவரப்படி சேத்தியாத்தோப்பு 210 மில்லி மீட்டர், பரங்கிப்பேட்டை 141 மில்லி மீட்டர், சிதம்பரம் 140.2 மில்லி மீட்டர், புவனகிரி 140 மில்லி மீட்டர், கொத்தவாச்சேரி 103 மில்லி மீட்டர், ஶ்ரீ முஷ்ணம் 86.1 மில்லி மீட்டர் என மாவட்டம் முழுவதும் 1681.6 மி.மீ மழை பதிவாகியுள்ளது.
News November 24, 2025
கடலூர்: மீண்டும் கனமழை எச்சரிக்கை!
தென்கிழக்கு வங்கக் கடலில் நிலவும் காற்றழுத்த தாழ்வு பகுதி, வரும் நவ. 26ஆம் தேதி புயலாக மாற வாய்ப்புள்ளதாக வானிலை ஆய்வு மையம் அறிவித்துள்ளது. இதன் காரணமாக கடலூர் மாவட்டத்தின் ஓரிரு பகுதிகளில் இன்று(நவ.24) இடி, மின்னலுடன் கூடிய கனமழை பெய்யக்கூடும் என தெரிவிக்கப்பட்டுள்ளது. எனவே பொதுமக்கள் பாதுகாப்புடன் இருக்க அறிவுறுத்தப்பட்டுள்ளனர்.
News November 24, 2025
கடலூர் மாவட்டத்தில் நாளை மின்தடை அறிவிப்பு
கடலூர் மாவட்டத்தில் உள்ள வடக்குத்து, கீழக்குப்பம், கீழக் கொல்லை, காடாம்புலியூர் ஆகிய துணை மின் நிலைய பகுதியில் நாளை (நவ 25) மாதாந்திர பராமரிப்பு பணிகள் நடைபெற உள்ளத. இதன் காரணமாக மேற்கண்ட துணை மின் நிலையங்களுக்கு உட்பட்ட பகுதிகளில் நாளை காலை 9 மணி முதல் மாலை 4 மணி வரை மின்தடை செய்யப்பட உள்ளது என மின்வாரிய செயற்பொறியாளர்கள் பண்ருட்டி சிவக்குமார் குறிஞ்சிப்பாடி செல்வமணி ஆகியோர் தெரிவித்துள்ளனர்.