News November 9, 2025
ஏன் எல்லாவற்றையும் கேட்டு பெறுகிறார் டிரம்ப்?
USA-வின் வாஷிங்டனில் கட்டமைக்கப்படவுள்ள ஸ்டேடியத்திற்கு தனது பெயரை வைக்க வேண்டும் என டிரம்ப் கூறியுள்ளார். ஆனால், டிரம்ப் விளையாட்டு வீரர் இல்லை என்பதால் குழுவினர் அவரது பெயரை வைக்க தயங்குகின்றனராம். முன்னதாக 7 போர்களை நிறுத்தியதால் தனக்கு நோபல் பரிசு வேண்டும் என கேட்டார். இதனால் ஒரு நாட்டின் அதிபராக இருந்துகொண்டு ஏன் இப்படி அனைத்தையும் அவராகவே கேட்டு பெறுகிறார் என மக்கள் விமர்சித்துவருகின்றனர்.
Similar News
News November 9, 2025
நாளை முதல் அனைத்து பள்ளிகளுக்கும் அறிவிப்பு
முறையாக பள்ளிக்கு வரும் +2 மாணவர்களுக்கு மட்டுமே பொதுத்தேர்வு எழுத <<18239237>>ஹால் டிக்கெட்<<>> வழங்கப்படும் என அரசு அறிவித்துள்ளது. மேலும், பொதுத்தேர்வு குறித்த மாணவர்களின் அச்சத்தை போக்க ஆலோசனைகள் வழங்கப்படும் என்றும், தேர்ச்சி பெற முடியாதோ என நினைக்கும் மாணவர்களுக்கு தேவையான வழிகாட்டுதல்கள் வழங்கப்படும் எனவும் தெரிவிக்கப்பட்டுள்ளது. நாளை முதல் பள்ளிகளில் அதற்கான பணி தொடங்கப்படும் என எதிர்பார்க்கப்படுகிறது.
News November 9, 2025
ரஜினி, அஜித் சம்பளத்துக்கு வருகிறது கட்டுப்பாடு
இனி படங்களின் லாப நஷ்டங்களில் நடிகர்களுக்கு பங்கு உண்டு என தயாரிப்பாளர் சங்க பொதுக்குழு கூட்டத்தில் தீர்மானம் போடப்பட்டுள்ளது. இதன்மூலம், ஒரு படம் நஷ்டமானால், அந்த பாரத்தை தயாரிப்பு நிறுவனம் மட்டுமே தாங்கவேண்டிய சூழல் இருக்காது. ஒருவேளை வசூலை குவித்தால் நடிகர்களும் லாபம் பார்க்கலாம். மேலும், நடிகர்கள் வெப் சீரிஸ்களை தவிர்த்து திரைப்படங்களின் கவனம் செலுத்த வேண்டும் எனவும் கூறப்பட்டுள்ளது.
News November 9, 2025
சற்றுமுன்: பயங்கர நிலநடுக்கம்: சுனாமி எச்சரிக்கை
ஜப்பானின் Iwate மாகாணத்திற்கு சுனாமி எச்சரிக்கை விடுக்கப்பட்டுள்ளதாக, அந்நாட்டின் பொது ஒளிபரப்பு நிறுவனமான NHK தெரிவித்துள்ளது. Iwate மாகாணத்தின் கடலோரத்திலிருந்து 70 கி.மீ., தொலைவில் 6.8 ரிக்டர் அளவில் நிலநடுக்கம் ஏற்பட்டதால் சுனாமி உருவாகியுள்ளதாகவும், அது விரைவில் பசிபிக் கடற்கரையை அடைய வாய்ப்புள்ளதாகவும் NHK கூறியுள்ளது. அலையின் உயரம் சுமார் 3 அடி வரை இருக்கும் என்றும் தெரிவிக்கப்பட்டுள்ளது.