News February 10, 2026
என்னதான் சொல்ல வாறீங்க? குழப்பத்தில் தவெகவினர்
சமீபத்தில் ‘மக்களுடனே கூட்டணி’ என்று கூறி ‘தனித்து போட்டி’ என்பதை விஜய் சூசகமாக கூறியிருந்தார். இந்நிலையில், தவெகவில் கூட்டணி சேரும் கட்சிகளுக்கு தகுந்த மரியாதை, தொகுதிகள் கிடைக்கும் என ஆதவ் மீண்டும் கூட்டணிக்கு வலை விரித்துள்ளார். அதேநேரம், கூட்டணியை நம்பி தவெக இல்லை என அருண்ராஜ் கூறியுள்ளார். இதனால் கூட்டணி நிலைப்பாட்டில் தவெகவினர் குழம்பியுள்ளதாக கூறப்படுகிறது. நீங்க என்ன சொல்றீங்க?
Similar News
News February 14, 2026
காங்கிரஸிடம் எந்த திட்டமும் இல்லை: பியூஸ் கோயல்
மக்களை நாளுக்கு நாள் தவறான அறிக்கைகளால் காங்கிரஸ் தவறாக வழிநடத்துவதாக பியூஷ் கோயல் விமர்சித்துள்ளார். மும்பையில் பேசிய அவர், சோர்வடைந்த காங்கிரஸிடம் குழப்பம் பரப்புவதை தவிர வேறு எந்த திட்டமும் இல்லை என குற்றஞ்சாட்டினார். காங்கிரஸ் மற்றும் மக்களால் நிராகரிக்கப்பட்ட அதன் கூட்டணி கட்சிகளான திமுக, திரிணாமூல் உள்ளிட்டவை எவ்வளவு முயன்றாலும், அவர்களால் PM மோடியை தடுக்க முடியாது என்று தெரிவித்துள்ளார்.
News February 14, 2026
FLASH: புதுவையில் 9.44 லட்சம் வாக்காளர்கள்!
SIR பணிகளுக்கு பிறகு புதுச்சேரி மாநிலத்தில் உள்ள 30 தொகுதிகளின் இறுதி வாக்காளர்கள் பட்டியல் சற்றுமுன் வெளியிடப்பட்டுள்ளது. அதில், 5,00,477 பெண்கள், 4,43,595 ஆண்கள், மூன்றாம் பாலினத்தவர்கள் 139 பேர் என மொத்த 9,44,211 பேர் இடம் பெற்றுள்ளனர். இறப்பு, இடமாற்றம், இருமுறை பதிவு உள்ளிட்ட காரணங்களால் 16,619 வாக்காளர்கள் நீக்கப்பட்டுள்ளதாக ECI தெரிவித்துள்ளது.
News February 14, 2026
காங்., ஆட்சியில் தினம்தினம் தாக்குதல்: அமித்ஷா
காங்கிரஸ் ஆட்சியில் இருந்தபோது ஒவ்வொரு நாளும் பாகிஸ்தானில் இருந்து பயங்கரவாதிகள் தாக்குதல் நடக்கும் என அமித்ஷா கூறியுள்ளார். இது குறித்து அவர்கள் வாய் திறக்கமாட்டார்கள் என்ற அவர், மோடி வந்த பிறகு முதன்முறையாக புல்வாமா தாக்குதலுக்கு வான்வழியாக பதிலடி தரப்பட்டது என்றார். மேலும், புதுச்சேரியில் நாராயணசாமியின் அரசு ஊழல் நிரம்பியதாக இருந்ததாகவும் அவர் விமர்சித்தார்.