News November 1, 2025
உலகக்கோப்பையை வென்றால் இந்திய மகளிருக்கு ₹125 கோடி
நாளை நடைபெற உள்ள மகளிர் ODI உலகக்கோப்பை இறுதிப்போட்டியில், இந்தியா – தென்னாப்பிரிக்கா அணிகள் மோத உள்ளன. இதில், இந்தியா கோப்பையை கைப்பற்றினால், ₹125 கோடி பரிசுத் தொகை வழங்க BCCI முடிவு செய்துள்ளதாக தகவல் வெளியாகியுள்ளது. கடந்தாண்டு நடைபெற்ற ஆண்கள் டி20 உலக்கோப்பையில் வென்ற பின், இந்திய அணிக்கு ₹125 கோடி பரிசு வழங்கப்பட்டது. அந்த வகையில் சமமான பரிசுத் தொகை வழங்க முடிவு செய்யப்பட்டுள்ளது.
Similar News
News November 1, 2025
மகளின் நினைவாக இளையராஜா புதிய அறிவிப்பு
மறைந்த தனது மகள் பவதாரிணியின் நினைவாக ‘பவதா கேர்ள்ஸ் ஆர்கெஸ்ட்ரா’ என்ற பெண்களுக்கான ஆர்கெஸ்ட்ராவை இளையராஜா தொடங்கியுள்ளார். இசைத்துறையில் திறமையை வளர்த்துக் கொள்ள விரும்பும் பெண்கள், இதில் பதிவு செய்யலாம் என்றும் அவர் அறிவித்துள்ளார். முன்னதாக, 15 வயதிற்குட்பட்ட சிறுமிகளுக்கு ஆர்கெஸ்ட்ரா தொடங்க இருப்பதாக அறிவித்து இருந்தார். கேன்சர் காரணமாக பவதாரிணி கடந்தாண்டு உயிரிழந்தது குறிப்பிடத்தக்கது.
News November 1, 2025
இந்த மாதம் 7 நாள்கள் விடுமுறை… ரெடியா இருங்க!
நவம்பர் மாதத்தில் வங்கிகளுக்கு வழக்கமான விடுமுறை மட்டுமே. 5 ஞாயிற்றுக் கிழமைகளிலும் (நவ.2, 9, 16, 23, 30) வங்கிகள் இயங்காது. அதேபோல், 2-வது, 4-வது சனிக்கிழமைகளிலும் (நவ.8, 22) விடுமுறையாகும். மற்ற 23 நாள்களிலும் தமிழகத்தில் வங்கிகள் முழுநேரமும் செயல்படும். இதற்கேற்ப, கடன் தவணை செலுத்துதல், காசோலை தொடர்பான பணிகளை பிளான் பண்ணிக்கோங்க மக்களே! SHARE IT.
News November 1, 2025
பிக்பாஸ் வீட்டில் இன்று வெளியேறியது இவர்தான்
பிக்பாஸ் 9-வது சீசன் தொடங்கி சண்டைக்கு பஞ்சமில்லாமல் நிகழ்ச்சி நடைபெற்று வருகிறது. ஏற்கெனவே பிரவீன் காந்தி, அப்சரா சிஜே, ஆதிரை எலிமினேட் ஆகியுள்ளனர். இந்த வார எலிமினேட் பட்டியலில் கானா வினோத், கம்ருதீன், அரோரா சின்கிளேர், விஜே பார்வதி, கலையரசன் ஆகியோர் இருந்தனர். இந்நிலையில், குறைவான வாக்குகள் பெற்று கலையரசன் வெளியேறி இருப்பதாக தகவல் வெளியாகியுள்ளது.