News January 16, 2026
இவர்களுக்கும் பொங்கல் பரிசு.. ஹேப்பி நியூஸ்
TN-ல் பொங்கல் தொகுப்புடன் ₹3,000 ரொக்கமும் வழங்கப்பட்டது. பயனாளிகள் யாரும் விடுபடக்கூடாது என்பதற்காக 14-ம் தேதியும் ரேஷன் கடைகளில் பொங்கல் பரிசு வழங்கப்பட்டது. சிலர் விடுமுறையை முன்னிட்டு சொந்த ஊர்களுக்கு சென்றதால், இன்னும் பரிசை வாங்காமல் உள்ளனர். இதனால், இம்மாதம் இறுதி வரை பொங்கல் பரிசு வழங்கப்பட வாய்ப்புள்ளதாகவும், ஓரிரு நாள்களில் இதற்கான அறிவிப்பு வெளியாகும் என்றும் தகவல் வெளியாகியுள்ளது.
Similar News
News February 2, 2026
தங்கம் விலை உயர்வு ஏன்? நிர்மலா சீதாராமன் விளக்கம்!
உலகளாவிய நிச்சயமற்ற தன்மை காரணமாகவே தங்க விலையில் ஏற்ற இறக்கங்கள் நிலவுவதாக FM நிர்மலா சீதாராமன் தெரிவித்துள்ளார். உலகின் எந்த நாட்டு கரன்சி மீதும் முதலீட்டாளர்களுக்கு நம்பிக்கை இல்லை; அதனால் பல மத்திய வங்கிகள் தங்கத்தில் முதலீடு செய்து வருவதாகவும் தெரிவித்துள்ளார். நேற்று தாக்கல் செய்த மத்திய பட்ஜெட்டில் தங்கம், வெள்ளி மீதான இறக்குமதி வரி குறித்து எந்த புதிய அறிவிப்பும் வெளியாகவில்லை.
News February 2, 2026
உங்களிடம் தங்கப் பத்திரம் இருக்கா? இது உங்களுக்கு தான்
பட்ஜெட்டில் தங்கப் பத்திரங்களுக்கான வரி விலக்கு விதிகளில் புதிய அறிவிப்பு வெளியாகியுள்ளது. RBI-யிடம் நேரடியாக வாங்கும் தங்கப் பத்திரங்களை முதிர்வு காலம் வரை வைத்திருந்தால் மட்டுமே வரி விலக்கு அளிக்கப்படும். மாறாக பங்குச் சந்தையில் வாங்கி முதிர்வு காலம் வரை வைத்திருந்தாலோ, முதிர்வு காலத்திற்கு முன் விற்றாலோ நீங்கள் பெறும் லாபத்திற்கு வரி செலுத்த வேண்டும். வட்டி விகிதத்தில் (2.5%) மாற்றமில்லை.
News February 2, 2026
புதுச்சேரியில் மகளிர் உரிமைத் தொகை ₹2,500
புதுச்சேரியில் மகளிர் உரிமைத் தொகை உயர்வு இம்மாதம் முதல் அமலுக்கு வருகிறது. அதன்படி, மாதம் ₹2,500 வழங்கப்படும் என CM ரங்கசாமி தெரிவித்துள்ளார். அதுமட்டுமின்றி, அரசின் எந்தவித உதவியும் பெறாத 70,000 குடும்பத் தலைவிகளுக்கு மாதம் ₹1,000 வழங்கவும் நடவடிக்கை எடுக்கப்பட்டுள்ளது. தமிழகத்தில் மகளிர் உரிமைத் தொகை ₹1,000 வழங்கப்படும் நிலையில், தொகையை உயர்த்தி விரைவில் அறிவிக்க வாய்ப்புள்ளதாக கூறப்படுகிறது.