News December 25, 2025
இப்படி ஒரு X-mas வாழ்த்தை கேட்டிருக்கவே மாட்டீங்க!
இத்தாலி PM மெலோனி அரசு அதிகாரிகளுக்கு கூறிய X-mas வாழ்த்து உலகளவில் தற்போது பேசுபொருளாக மாறியுள்ளது. இந்த வருடம் அனைவருக்கும் மிகவும் கடினமாக இருந்ததாக கூறிய அவர், அடுத்த ஆண்டு இன்னும் மோசமாக இருக்கும் என கூறியுள்ளார். அதனால் இந்த விடுமுறை நாள்களில் நன்றாக ஓய்வெடுங்கள் எனவும் அறிவுறுத்தியுள்ளார். ஒரு பேச்சுக்காவது அடுத்த வருடம் நல்லா இருக்கும்னு சொல்லியிருக்கலாம் என நெட்டிசன்கள் குமுறுகின்றனர்.
Similar News
News December 26, 2025
நெல்லை: பெற்றோர் கல்லறை முன் தற்கொலை!
மூலைக்கரைப்பட்டி அருகே துத்திகுளத்தைச் சேர்ந்த விவசாயி பாலசுப்பிரமணியன் (50). கடந்த 2 ஆண்டுகளாக மனநிலை பாதிப்பு, மது பழக்கம் இருந்தது. இந்நிலையில் தோட்டத்தில் பெற்றோர் கல்லறை முன் விஷம் குடித்துவிட்டு, தனது சகோதரருக்கு தகவல் தெரிவித்துள்ளார். அவரை மீட்டு நெல்லை அரசு மருத்துவமனையில் சேர்க்கப்பட்டு சிகிச்சை பலனின்றி உயிரிழந்தார். மூலைக்கரைப்பட்டி போலீசார் வழக்கு பதிந்து விசாரிக்கின்றனர்.
News December 26, 2025
நடிகை மீனாவின் மகள் ‘தெறி’ பேபியின் NEW PHOTO
நடிகை மீனா தனது மகள் நைனிகாவுடன் கிறிஸ்துமஸ் கொண்டாடிய போட்டோவை சோஷியல் மீடியாவில் பகிர்ந்துள்ளார். நைனிகா, 5 வயதில் விஜய்யின் ‘தெறி’ படத்தில் அவருக்கு மகளாக நடித்திருந்தார். அதன் பிறகு ஒரு சில படங்களில் குழந்தை நட்சத்திரமாக நடித்தார். பல ஆண்டுகளாக வெளியுலகத்தின் கண்ணில் படாமல் இருந்த நைனிகாவுக்கு தற்போது 14 வயதாகிறது. அடடே! அடையாளமே தெரியலையே இது நைனிகாவா? என பலரும் கமெண்ட் செய்து வருகின்றனர்.
News December 26, 2025
அரசின் சீர்திருத்த நடவடிக்கைகள் தொடரும்: PM
2025-ல் NDA ஆட்சியில் மத்திய அரசின் திட்டங்கள் மக்களை அனைவரையும் சென்றடைந்து, அவர்களின் வாழ்வை எளிதாக்கியுள்ளதாக PM மோடி தெரிவித்துள்ளார். எளிய வரி சட்டங்கள், திருத்தங்கள், நவீன தொழிலாளர் சட்டங்கள், எதற்கும் விரைவான தீர்வு என மக்களின் வாழ்க்கையை இந்த ஆட்சி மேம்படுத்தியுள்ளதாக அவர் கூறினார். வரும் காலங்களில் இந்த சீர்திருத்த நடவடிக்கைகள் வீரியத்துடன் தொடரும் என்றும் அவர் உறுதியளித்துள்ளார்.