News January 18, 2026
ஆம்னி பஸ் டிக்கெட் விலை ₹6,000 வரை உயர்ந்தது
பொங்கல் விடுமுறை முடிந்து பலரும் சென்னையை நோக்கி படையெடுத்து வருகின்றனர். இந்நிலையில், ஆம்னி பஸ்களின் கட்டணம் கிடுகிடுவென உயர்ந்து பொதுமக்களின் பர்ஸை பதம் பார்த்துள்ளது. டிக்கெட் கட்டணம் சாதாரண நாள்களை விட 3 மடங்கு உயர்ந்திருப்பது பயணிகளை அதிர்ச்சியில் ஆழ்த்தியுள்ளது. குறிப்பாக, மதுரை – சென்னைக்கு ₹6,000 வரை வசூலிக்கப்படுகிறது. இதனை அரசு தடுக்க வேண்டும் என பொதுமக்கள் கோரிக்கை வைத்துள்ளனர்.
Similar News
News February 5, 2026
TN இடைக்கால பட்ஜெட்டில் என்னென்ன இடம்பெறும்?
தமிழக அமைச்சரவை கூட்டம் இன்று பகல் 12 மணிக்கு CM ஸ்டாலின் தலைமையில் கூடுகிறது. இதில் பட்ஜெட்டில் இடம் பெற வேண்டிய அம்சங்கள் குறித்து ஆலோசிக்கப்பட இருக்கிறது. பிப்ரவரி 2 அல்லது 3-வது வாரத்தில் TN அரசின் இடைக்கால பட்ஜெட் தாக்கலாகும் என எதிர்பார்க்கப்படுகிறது. தேர்தல் நெருங்குவதால் இதில் என்னென்ன அறிவிப்புகள் இடம்பெறும் என மக்களிடையே பெரும் எதிர்பார்ப்பு நிலவுகிறது.
News February 5, 2026
இன்று அறிமுகமாகும் ‘பாரத் டாக்ஸி’
2 மாத சோதனைக்கு பிறகு, இன்று ‘பாரத் டாக்ஸி’ திட்டத்தை உள்துறை அமைச்சர் அமித்ஷா தொடங்கி வைக்கிறார். முதற்கட்டமாக, டெல்லி & குஜராத்தில் தொடங்கப்படும் இச்சேவை, விரைவில் சென்னை, மும்பை, ஹைதராபாத் போன்ற நகரங்களிலும் அறிமுகப்படுத்தப்படவுள்ளது. சேவை கட்டணமின்றி, பயண கட்டணம் மட்டுமே வசூலிக்கப்படும் இந்த டாக்ஸியில், பிற தனியார் டாக்ஸிக்களை விட கட்டணம் 20% – 30% வரை குறைவாக இருக்கும் எனவும் கூறப்படுகிறது.
News February 5, 2026
தங்கம், வெள்ளி விலை.. ஒரே நாளில் தலைகீழாக மாறியது
கடந்த வாரத்தில் 1 கிலோவுக்கு ₹1.45 லட்சம் வரை குறைந்து வெள்ளி விலை, பொதுமக்களை இன்ப அதிர்ச்சியில் ஆழ்த்தியது. ஆனால், கடந்த 2 நாள்களில் மட்டும் 1 கிலோவுக்கு ₹40,000 உயர்ந்து வெள்ளி விற்பனையாகிறது. தங்கமும் கடந்த சில நாள்களாக ₹22,000 வரை குறைந்தது. இந்நிலையில், தங்கம், வெள்ளி விலை ஒரே நாளில் தலைகீழாக மாறி, உயர்ந்தவாறே தொடர்வது பொதுமக்களை கவலையில் ஆழ்த்தியுள்ளது.