News April 27, 2025

அரியலூர்: ரயில் மோதி ஆட்டு வியாபாரி பலி

அரியலூரை சேர்ந்தவர் சசிகுமார்(40). இவர் தனது ஆட்டை நேற்று வடலூர் சந்தையில் விற்றுவிட்டு வீட்டுக்கு புறப்பட்டார். குறவன்குப்பம் அருகில் சென்றபோது, உடல் உபாதை காரணமாக பைக்கை நிறுத்திவிட்டு அங்குள்ள தண்டவாளத்தை கடக்க முயன்றார். அப்போது திருச்சி நோக்கி சென்ற பாசஞ்சர் ரயில் மோதி சசிக்குமார் சம்பவ இடத்திலேயே உயிரிழந்தார். இதுகுறித்து கடலூர் இருப்புப்பாதை போலீசார் வழக்குப்பதிந்து விசாரித்து வருகின்றனர்.