News September 10, 2025

நெல்லை மாவட்டத்தில் இன்றைய முக்கிய நிகழ்ச்சிகள்

இன்று காலை 10 மணிக்கு மாநகர போலீஸ் கமிஷனர் அலுவலகத்தில் மக்கள் குறைதீர்க்கும் முகாம் நடக்கிறது.

பாளையங்கோட்டை என் ஜி ஒ ஏ காலனி பகுதியில் 2 இடங்களில் புதிய பயணிகள் நிழற்குடை திறப்பு விழா காலை 10:30 மணிக்கு அப்துல் கப் எம்எல்ஏ தலைமையில் நடக்கிறது.

மாவட்ட காவல்துறை கண்காணிப்பாளர் அலுவலகத்தில் இன்று காலை 10:30 மணிக்கு வாராந்திர குறைதீர்க்கும் முகாம் நடக்கிறது.

News September 10, 2025

நெல்லை: அரசு பள்ளி முன் பெற்றோர்கள் போராட்டம்

மருதகுளம் செல்லையா அரசு மேல்நிலைப்பள்ளியில் 12-ம் வகுப்பு மாணவர்களிடையே மோதல் ஏற்பட்டது. பள்ளி தலைமை ஆசிரியர் ஒரு மாணவனுக்கு மட்டும் டிசி வழங்கினார். இதனால் மாணவனின் பெற்றோர், உறவினர்கள் பள்ளியில் உள்ளிருப்பு போராட்டம் நடத்தினர். மாணவனை மீண்டும் சேர்க்க மறுத்ததால், தலைமை ஆசிரியர் அலுவலகம் முன்பு தர்ணா நடத்தினர். மூன்றடைப்பு போலீசார் பேச்சுவார்த்தை நடத்துகின்றனர்.

News September 10, 2025

இட்டமொழி அருகே கோழிப்பண்ணையில் திடீர் தீ விபத்து

இட்டமொழி அருகே அழகப்பபுரம் வடக்கு தெருவைச் சேர்ந்த சேர்மராஜ்(50) கீழபண்டாரபுரத்தில் கோழிப்பண்ணை நடத்தி வந்தார். நேற்று மாலை பண்ணையின் மேற்கூரையில் திடீரென தீப்பிடித்து, மளமளவென பரவியது. திசையன்விளை தீயணைப்புத் துறையினர் விரைந்து வந்து தீயை அணைத்தனர். ஆனால், மேற்கூரை இடிந்து சேதமடைந்தது. பெரும்பாலான கோழிகள் முன்பு விற்கப்பட்டதால் பெரும் சேதம் தவிர்க்கப்பட்டது. போலீசார் விசாரித்து வருகின்றனர் .