News January 22, 2026
அன்புமணிக்கு ‘மாம்பழம்’.. பேனரில் உறுதியான சின்னம்
மதுராந்தகத்தில் நாளை நடைபெறவுள்ள NDA கூட்டணி பரப்புரை பொதுக்கூட்டத்திற்காக வைக்கப்பட்ட பேனரில் ‘மாம்பழம்’ சின்னம் இடம்பெற்றது கவனத்தை ஈர்த்துள்ளது. அன்புமணிக்கு மாம்பழச் சின்னம் கிடைக்காது என ராமதாஸ் தரப்பு கூறிவரும் நிலையில், பேனரில் மாம்பழச் சின்னம் இடம்பெற்றுள்ளது. அதேபோல், அந்த பேனரில் பிரேமலதா, கிருஷ்ணசாமி புகைப்படங்கள் இடம்பெறாததால், அவர்கள் NDA -வில் இணைவில்லை என்பது உறுதியாகியுள்ளது.
Similar News
News January 29, 2026
ராமேஸ்வரத்தில் தரிசனம் செய்ய தடை!
ராமேஸ்வரம் ராமநாதசாமி கோயிலில் பிப். 1ம் தேதி தைப்பூசத் திருவிழா நடைபெற உள்ளது. அன்று அதிகாலை 4 மணிக்கு நடை திறக்கப்பட்டு, படிலிங்க தரிசனம் நடைபெற்று, பூஜைகள் நடைபெறுகின்றன. 11 மணியளவில் சாமி – அம்பாள் தங்க ரிஷப வாகனத்தில் எழுந்தருளுகின்றனர். இதனை தொடர்ந்து 11 மணி முதல் இரவு வரை பக்தர்கள் தீர்த்த கிணறுகளில், சாமி தரிசனம் செய்ய அனுமதிக்கப்பட மாட்டார்கள் என கோயில் நிர்வாகம் தெரிவித்துள்ளது.
News January 29, 2026
2026 தேர்தலில் நான் போட்டியிடவில்லை: சரத்குமார்
2026 தேர்தலில் போட்டியிடும் எண்ணம் தனக்கு இல்லை என்று சரத்குமார் அறிவித்துள்ளார். தான் போட்டியிடாதபோது தனது மனைவி ராதிகாவும் போட்டியிடமாட்டார் என்றும் அவர் தெரிவித்துள்ளார். அதேநேரம், தன்னுடன் பயணிக்கும் கடின உழைப்பாளிகளுக்கு 5 இடங்களையாவது பெற்றுத் தருவேன் என்றும் அவர் கூறியுள்ளார். முன்னதாக, 2024 மக்களவை தேர்தலில் ராதிகா சரத்குமார் விருதுநகர் தொகுதியில் போட்டியிட்டிருந்தார்.
News January 29, 2026
தேமுதிகவின் கூட்டணி உறுதியானதா?
தேமுதிகவின் கூட்டணி கணக்கு ஒருவழியாக சால்வ் ஆனதாக தகவல் கசிந்துள்ளது. முன்னதாக, தேமுதிக கேட்டதாக சொல்லப்படும் 17 தொகுதிகள் மற்றும் 1 ராஜ்யசபா சீட்டை அதிமுக கொடுக்க மறுத்துவிட்டதாக கூறப்படுகிறது. இதனால் திமுக பக்கம் ரகசிய பேச்சுவார்த்தையை அக்கட்சி தொடங்க, 6 தொகுதிகள் + 1 ராஜ்யசபா சீட் என்ற முடிவுடன் கூட்டணி உறுதியாகி இருக்கிறதாம். இதுபற்றி பிரேமலதா விரைவில் அறிவிப்பார் என எதிர்பார்க்கப்படுகிறது.