News August 3, 2024
ஹமாஸ் தலைவர் கொலையில் குழப்பம்
ஹமாஸ் தலைவர் இஸ்மாயில் ஹனியே கொல்லப்பட்டது வெடிகுண்டு தாக்குதலிலா, ராக்கெட் தாக்குதலிலா என்பதில் குழப்பம் நிலவுகிறது. டெஹ்ரானில் அவர் தங்கியிருந்தது விருந்தினர் மாளிகை என்றும், ஒரு வாரத்துக்கு முன்பே வெடிகுண்டு மறைத்து வைத்து, அதை வெடிக்கச்செய்து தாக்குதல் நடத்தப்பட்டுள்ளது எனவும் அமெரிக்கா தெரிவித்தது. ஈரான் தரப்பிலோ, ராக்கெட் வீச்சில் பலியானதாக கூறப்பட்டுள்ளது. இதனால் குழப்பம் நிலவுகிறது.
Similar News
News December 24, 2025
விழுப்புரத்தில் இருந்து 200 வாக்கு பதிவு இயந்திரம் அனுப்பி வைப்பு
சென்னை தலைமை தேர்தல் ஆணையரின் உத்தரவின்படி விழுப்புரம் மாவட்டத்தில் கூடுதலாக உள்ள மின்னணு வாக்குப்பதிவு இயந்திரத்தில் 200 எண்ணிக்கை கொண்ட கட்டுபாட்டு கருவிகளை அரியலூர் மாவட்டத்திற்கு ஒதுக்கீடு செய்துள்ளனர். இதை தொடர்ந்து, விழுப்புரம் மாவட்டத்தில் உள்ள மின்னணு வாக்குப்பதிவு இயந்திர சேமிப்பு கிடங்கிலிருந்து 200 எண்ணிக்கை கொண்ட கட்டுபாட்டு கருவிகளை விழுப்புரம் மாவட்ட ஆட்சியர் அனுப்பி வைத்தார்.
News December 24, 2025
கர்ப்பிணிகள் தினமும் எவ்வளவு நடக்க வேண்டும் தெரியுமா?
கர்ப்ப காலத்தில் தினமும் வாக்கிங் செல்வது தாய் மற்றும் சேய்க்கு மிகவும் நன்மை பயக்கும். தினமும், 5,000-10,000 அடிகள் வரை நடக்க வேண்டும் என்று கூறும் டாக்டர்கள், ஒரே நேரத்தில் நடக்காமல் காலை, மதியம், இரவு என பிரித்து நடக்கலாம் என்கின்றனர். இதனால், *சர்க்கரை நோய், ரத்த அழுத்தம் கட்டுக்குள் இருக்கும் *குழந்தைக்கு தேவையான ஆக்சிஜன் கிடைக்கும் *சுகப்பிரசவ வாய்ப்புகள் அதிகமாகும் என்கின்றனர் டாக்டர்கள்.
News December 24, 2025
விவசாயிகளின் வயிற்றில் அடிக்கும் திமுக: நயினார்
டிட்வா புயலால் பாதிக்கப்பட்ட விவசாயிகளுக்கு திமுக அரசு இன்னும் இழப்பீடு வழங்கவில்லை என நயினார் நாகேந்திரன் தெரிவித்துள்ளார். திமுக அரசு வாழ்விழந்த விவசாயிகளின் வயிற்றில் அடிப்பதாக குற்றஞ்சாட்டியுள்ள அவர், ஏக்கருக்கு ₹30,000 வழங்கி விவசாயிகளின் துயரத்தை துடைப்பதே சிறந்தது என்று தெரிவித்துள்ளார். திமுக அரசின் இந்த அலட்சியமே அக்கட்சியின் அரியணைக்கு முடிவுரை எழுதப்போவதாகவும் அவர் குறிப்பிட்டுள்ளார்.