News August 14, 2024
வேதாரண்யம் மீனவர்களை தாக்கிய கடற்கொள்ளையர்கள்
வேதாரண்யம் அருகே ஆற்காட்டுத்துறை மீனவ கிராமத்தைச் சேர்ந்த சந்திரகாசன் என்பவருக்கு சொந்தமான விசைப்படகில் கோடியக்கரைக்கு தென்கிழக்கு மீன் பிடித்துக் கொண்டிருந்த போது ஆயுதங்களுடன் வந்த இலங்கை கடல் கொள்ளையர்கள் சிலர் படகில் இருந்த 200 கிலோ வலை, ஜிபிஎஸ் உள்ளிட்டவற்றை அபகரித்து விட்டு மீனவர்களை கடுமையாக தாக்கியுள்ளனர். கரை திரும்பிய மீனவர்களுக்கு மருத்துவமனையில் சிகிச்சை பெற்று வருகின்றனர்.
Similar News
News November 29, 2025
நாகை மாவட்டத்தை புரட்டி போடும் மழை
டிட்வா புயலின் காரணமாக நாகை மாவட்டத்திற்கு கடந்த 2 நாட்களாக ரெட் அலெர்ட் எச்சரிக்கை விடுக்கப்பட்டுள்ளது. இந்நிலையில் இன்று காலை 8.30 மணி நிலவரப்படி, கடந்த 24 மணி நேரத்தில் தமிழகத்திலேயே அதிகபட்சமாக நாகை மாவட்டம் கோடியக்கரையில் 25 செ.மீ, வேதாரண்யத்தில் 18 செ.மீ, வேளாங்கண்ணியில் 13 செ.மீ, நாகையில் 11 செ.மீ மழை பதிவாகியுள்ளதாக வானிலை ஆய்வு மையம் தெரிவித்துள்ளது.
News November 29, 2025
நாகை மாவட்டத்தை நெருங்கும் டிட்வா புயல்
வங்கக்கடலில் மையம் கொண்டுள்ள ‘டிட்வா’ புயல் தமிழகத்தை நோக்கி 8 கி.மீ வேகத்தில் நகர்ந்து வருகிறது. இலங்கை முல்லைதீவு அருகே நிலைகொண்டுள்ள புயலானது நாகையில் இருந்து சுமார் 100 கி.மீ தொலைவிலும், சென்னையில் இருந்து 400 கி.மீ தொலைவிலும் உள்ளது. புயலால் நாகை, தஞ்சை உள்ளிட்ட கடலோர மாவட்டங்களில் மணிக்கு 70 – 90 கி.மீ வேகத்தில் சூறைக்காற்று வீசக்கூடும் என தெரிவிக்கப்பட்டுள்ளது.
News November 29, 2025
நாகை: மாவட்ட ஆட்சியர் அறிவிப்பு
தமிழகம் முழுவதும் மாற்றூத்திறனாளிகள் மற்றும் 65 வயதிற்கு மேற்பட்டவர்களுக்கு வீடுகளுக்கு சென்று ரேஷன் பொருட்கள் வழங்கும் தாயுமானவர் திட்டம் செயல்பட்டு வருகிறது. அவ்வகையில் நாகை மாவட்டத்தில் டிச.2ம் தேதி முதல் 4ம் தேதி வரை டிசம்பர் மாதத்திற்கான தாயுமானவர் திட்டம் செயல்பட உள்ளது என மாவட்ட ஆட்சியர் தெரிவித்துள்ளார். இதனை பொதுமக்கள் பயன்படுத்திக் கொள்ளுமாறு கேட்டுக் கொண்டுள்ளார்.