News October 2, 2024
வயலில் மாடு மேய்ந்த விவகாரம் – வீடு சூறை
திருவெறும்பூர் அருகே உள்ள கும்பக்குடி நடுத்தெருவை சேர்ந்த முருகேசன் என்பவரின் பசுமாடு திமுக தெற்கு ஒன்றிய செயலாளர் கங்காதரனின் அண்ணனான செல்வராஜ் என்பவரது வயலில் மேய்ந்தது. இதனால் ஏற்பட்ட தகராறில் கங்காதரன் முருகேசன் வீட்டையும், வாகனத்தையும் அடித்து நொறுக்கியதாக புகார் எழுந்தது. இதுகுறித்து காவல்துறையும் திமுக பிரமுகருக்கு ஆதரவாக செயல்பட்டதாக புகார் எழுந்துள்ளது.
Similar News
News November 20, 2024
திருச்சி: தனியார் துறை வேலைவாய்ப்பு முகாம்
திருச்சி மாவட்ட நிர்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம் & சேஷசாயி தொழில் நுட்ப பயிலகம் இணைந்து நடத்தும் மாபெரும் தனியார் துறை வேலைவாய்ப்பு முகாம் வருகின்ற (30-11-24) அன்று அரியமங்கலம் சேஷசாயி தொழில் நுட்ப பயிலகத்தில் நடைபெற உள்ளது. இதில் கலந்துகொள்ள விருப்பமுள்ளவர்கள் www.tnprivatejobs.tn.gov.in என்ற இணையதளத்தில் பதிவு செய்யுமாறு கலெக்டர் தெரிவித்துள்ளார்.
News November 20, 2024
ஆசிரியர் மீதான தாக்குதலுக்கு அமைச்சர் கண்டனம்
திமுக திருச்சி தெற்கு மாவட்ட செயலாளரும், பள்ளிக் கல்வித்துறை அமைச்சருமான அன்பில் மகேஷ் இன்று அறிக்கை வெளியிட்டுள்ளார். அதில் மல்லிப்பட்டினம் அரசுப் பள்ளியில் பணிபுரிந்த ஆசிரியர் ரமணி அவர்களின் மீதான தாக்குதலை வன்மையாக கண்டிக்கின்றோம். ஆசிரியர்கள் மீதான வன்முறையை துளியும் சகித்துக் கொள்ள முடியாது. தாக்குதலை நடத்தியவர் மீது கடுமையான சட்ட நடவடிக்கை மேற்கொள்ளப்படும் என தெரிவித்துள்ளார்.
News November 20, 2024
சாலை விபத்தில் ஒருவர் பலி
சிறுகனூர் காவல் நிலைய எல்லைக்கு உட்பட்ட தத்தமங்கலத்தில் இருந்து மண்ணச்சநல்லூர் செல்லும் சாலையில் இரண்டு இருசக்கர வாகனங்கள் நேருக்கு நேர் மோதிய விபத்தில், வடக்கு தெரு தளுதாளப்பட்டி கிராமத்தைச் சேர்ந்த சுப்பிரமணி மகன் அனந்த் என்பவர் சம்பவ இடத்தில் பரிதாபமாக உயிரிழந்தார். உடலை கைப்பற்றிய சிறுகனூர் போலீசார் வழக்கு பதிவு செய்து விசாரணை நடத்தி வருகின்றனர்.