News March 31, 2024
வடை சுட்டு வாக்குகள் சேகரித்த பா.ம.க வேட்பாளர்
தேசிய ஜனநாயக கூட்டணியின் திண்டுக்கல் பாராளுமன்ற தொகுதி பா.ம.க வேட்பாளர் திலகபாமா ஆத்தூர் தொகுதிக்குட்பட்ட பாளையங்கோட்டை பகுதியில் தனது முதல் பிரச்சாரத்தை தொடங்கினார்.அப்போது அவர் சாலை ஓரங்களில் உள்ள கடைகளில் பணியாரம் மற்றும் வடை சுட்டு நூதன முறையில் மாம்பழ சின்னத்திற்கு பொதுமக்களிடையே இன்று வாக்கு சேகரித்தார். உடன் பா.ஜ.க மாவட்ட தலைவர் தனபாலன் உள்ளிட்ட நிர்வாகிகள் கலந்து கொண்டனர்.
Similar News
News November 20, 2024
எண்மத் தொழில் நுட்ப பயிர் கணக்கீடு: திண்டுக்கல் 1 இடம்
வேளாண் கல்லூரி மாணவர்கள் துணையுடன் நடத்தப்பட்ட எண்மத்தொழில்நுட்ப பயிர்க் கணக்கீட்டில் திண்டுக்கல் 1 இடம் பிடித்துள்ளது. திண்டுக்கல்லில் நடத்தப்பட்ட கணக்கீட்டுப் பணியில் 14.33 லட்சம் உள்பிரிவுகளில் 100 சதவீதம் நிறைவு செய்தது. மாநில வாரியாக வேளாண்மை சாகுபடி பரப்பை மதிப்பீடு செய்து, அதன்படி வேண்டிய கட்டமைப்பு பணிகளுக்கு இந்த எண்மத் தொழில்நுட்பப் பயிர் கணக்கீட்டை நடத்த மத்திய அரசு அறிவுறுத்தியது.
News November 20, 2024
பழனியில் ரோப்கார் சேவை தொடக்கம்
திண்டுக்கல் மாவட்டம் பழனி அருள்மிகு தண்டாயுதபாணி சுவாமி திருக்கோயில் ரோப் கார் சேவை வருடாந்திர பராமரிப்பு பணிகள் முடிவுற்று நாளை முதல் இயக்கப்படும் என திருக்கோவில் நிர்வாகம் அறிவித்துள்ளது. இதனையடுத்து இன்று காலை 9 மணிக்கு மேல் சிறப்புப் பூஜைகள் நடத்தப்பட்டு பக்தர்கள் பயன்பாட்டிற்கு கொண்டுவரப்பட உள்ளது.
News November 20, 2024
பொதுமக்கள் கருத்து கேட்பு கூட்டம் ஒத்திவைப்பு
திண்டுக்கல் மாவட்டம், குஜிலியம்பாறை வட்டம், ஆலம்பாடி கிராமம், எஸ்.ஜி.கிரானைட்ஸ் பல வண்ண கிரானைட் சுரங்கம் அமைவதற்கான சுற்றுச்சூழல் அனுமதி பெறுவது தொடர்பாக பொதுமக்களின் கருத்து கேட்டறியும் கூட்டம் கலெக்டர் தலைமையில் நவ.22 அன்று 11 மணிக்கு ஆலம்பாடி ஊராட்சி, சமுதாயக் கூடத்தில் நடைபெற இருந்தது. இந்நிலையில் கூட்டம் நிர்வாக காரணங்களால் ஒத்திவைக்கப்பட்டது என ஆட்சியர் பூங்கொடி தகவல் தெரிவித்துள்ளார்.