News June 25, 2024
ராமநாதபுரம் எம்.பி யாக நவாஸ்கனி பதவியேற்பு
ராமநாதபுரம் மக்களவைத் தொகுதியில் போட்டியிட்டு வெற்றி பெற்ற ஐ.யு.எம்.எல் வேட்பாளர் நவாஸ்கனி இன்று நாடாளுமன்ற எம்.பி-யாக பதவி ஏற்றுக்கொண்டார். நடைபெற்று வரும் நாடாளுமன்ற கூட்டத் தொடரில், தற்காலிக மக்களவைத் தலைவர் மஹதாப் அவருக்கு பதவிப் பிரமாணம் செய்து வைத்தார். நவாஸ்கனி,
ராமநாதபுரம் மக்களவைத் தொகுதியில் இரண்டாவது முறையாக எம்.பி-யாக பதிவியேற்றுள்ளார்.
Similar News
News October 23, 2025
ராமேஸ்வரம்: அக்.25 ல் நலம் காக்கும் ஸ்டாலின் முகாம்
மருத்துவம், மக்கள் நல்வாழ்வுத்துறை, பொது சுகாதாரம், நோய் தடுப்பு மருந்து துறை சார்பில் நலம் காக்கும் ஸ்டாலின் சிறப்பு மருத்துவ முகாம் ராமேஸ்வரம் விவேகானந்தா மெட்ரிக். பள்ளியில் அக்.25 காலை 8 மணி முதல் மாலை 5 மணி வரை நடைபெற உள்ளது. இதில் இருதயம், மகப்பேறு, மகளிர், நுரையீரல், நரம்பியல், குழந்தைகள் நலம், நீரிழிவு உள்பட பல்வேறு நோய் பாதித்தோருக்கு சிகிச்சை அளிக்கப்பட உள்ளது.
News October 22, 2025
மண்டபம் தென் கடலில் நாளை மீன்பிடிக்க தடை
இந்திய வானிலை மையம் எச்சரிக்கை படி மன்னார் வளைகுடா, அதனை ஒட்டிய பகுதிகளில் வளி மண்டல சுழற்சி உருவாகியுள்ளதால் மண்டபம் தென் கடல் விசைப்படகுகளுக்கு மீன்பிடி அனுமதிச்சீட்டு நாளை (அக்.23) வழங்கப்பட மாட்டாது. மறு உத்தரவு வரும் வரை நாட்டுப்படகு மீனவர்களும் கடலுக்கு செல்ல வேண்டாம் என அறிவுறுத்தப்படுகிறது என மண்டபம் மீன்வளம், மீனவர் நலத்துறை உதவி இயக்குனர் சிவக்குமார் தெரிவித்துள்ளார்.
News October 22, 2025
இராமநாதபுரம் மாவட்டத்தில் நேற்று பெய்த மழை அளவு
இராமநாதபுரம் மாவட்டத்தில் நேற்று அக்.21 காலை 6 மணிமுதல் இன்று அக்.22 காலை 6 மணிவரை பெய்த மழை அளவு வெளியிடப்பட்டுள்ளது. அதன்படி இராமநாதபுரம் 85 மில்லி மீட்டர், மண்டபம் 103.60 மில்லி மீட்டர், இராமேஸ்வரம் 85 மில்லி மீட்டர், பாம்பன் 63.20 மில்லி மீட்டர், தங்கச்சிமடம் 82.40 மில்லி மீட்டர், பல்லமோர்க்குளம் 16.50 மில்லி மீட்டர் மழை பதிவாகியுள்ளது.