News January 2, 2025
மெட்ரோ ரயிலில் 10.52 கோடி பயணிகள் பயணம்
சென்னை மெட்ரோ ரயிலில் நாள் ஒன்றுக்கு சராசரியாக 3.20 லட்சம் பேர் பயணிக்கின்றனர். சென்னை மெட்ரோ ரயில் சேவை தொடங்கப்பட்ட 9 ஆண்டுகளில், இதுவரை இல்லாத அளவிற்கு 2024ஆம் ஆண்டில் மட்டும் 10.52 கோடி பேர் மெட்ரோ ரயிலில் பயணித்துள்ளார்கள். 2023ஆம் ஆண்டைவிட 2024ஆம் ஆண்டில் 1.41 கோடி பேர் அதிகமாக பயணித்துள்ளார்கள் என்று சென்னை மெட்ரோ ரயில் நிறுவனம் தெரிவித்துள்ளது. இந்த சேவை பயனுள்ளதாக அமைந்துள்ளது.
Similar News
News December 10, 2025
சென்னை விமான நிலையத்தில் இன்று 14 விமானங்கள் ரத்து
நாடு முழுவதும் இண்டிகோ விமான சேவைகள் 9வது நாளாக பாதிக்கப்பட்டுள்ளன. சென்னை விமான நிலையத்தில் இன்று மொத்தம் 14 விமானங்கள் மட்டுமே ரத்து செய்யப்பட்டதாக நிர்வாகம் அறிவித்துள்ளது. இதில் பினாங்கு, பாங்காக், சிங்கப்பூர் செல்லும் 3 பன்னாட்டு விமானங்களும், டில்லி, மும்பை, ஜெய்ப்பூர் செல்லும் உள்நாட்டு விமானங்களும் அடங்கும்.
News December 10, 2025
சென்னை: நள்ளிரவில் வாகனங்களை அடித்து நொறுக்கிய ஆசாமிகள்
சென்னை கொளத்தூரில் சாலையோரம் நிறுத்தி வைத்திருந்த வாகனங்களை அடித்து நொறுக்கிய நபர்களை போலீசார் தேடி வருகின்றனர். சென்னை கொளத்தூர் பெரியார் நகரில், சாலையோரம் நிறுத்தி வைத்திருந்த கார், ஆட்டோ, பைக்குகளை போதையில் வந்த மர்மநபர்கள் அடித்து நொறுக்கினர். புகாரின் பேரில் அந்த பகுதியில் உள்ள சிசிடிவி காட்சிகளின் அடிப்படையில் போலீசார் வழக்கு பதிவு செய்து அந்த நபர்களை தேடி வருகின்றனர்.
News December 10, 2025
வானகரம்: இன்று அதிமுக பொதுக்குழு கூட்டம்
சென்னை, வானகரத்தில் உள்ள ஸ்ரீ வாரு வெங்கடாசலபதி மஹாலில், இன்று (டிச. 10), அதிமுகவின் செயற்குழு, பொதுக்குழு கூட்டம் நடைபெற உள்ளது. இதற்காக, அங்கு பணிகள் தீவிரமாக நடைபெற்று வருகிறது. அதன்படி, கூட்டம் நடைபெறும் பகுதியில், அதிமுக தலைமை அலுவலகம் போன்று நுழைவு வாயில் அமைக்கப்பட்டிருப்பது, பலரது கவனத்தை ஈர்த்துள்ளது. இதில் 10,000க்கும் மேற்பட்ட நிர்வாகிகள் கலந்து கொள்வர் என எதிர்பார்க்கப்படுகிறது.