News January 22, 2025
மாணவர்கள் விரும்பும் உயர் கல்வியை உருவாக்கியுள்ளோம்
புதுச்சேரி கலை பண்பாட்டு துறை சார்பில் கருவடிக்குப்பத்தில் உள்ள காமராஜர் மணி மண்டபத்தில் குழந்தைகள் புத்தக விளையாட்டு கண்காட்சியை இன்று தொடங்கி வைத்து பேசிய முதலமைச்சர் ரங்கசாமி, உயர்கல்வியில் மாணவர்கள் எந்த பாடத்தை விரும்பினாலும், அதை படிக்கலாம் என்ற நிலையை உருவாக்கியுள்ளோம். இடம் இல்லை என்ற நிலையே புதுச்சேரியில் இல்லை, மாணவர்கள் நன்றாக படித்து முன்னேற வேண்டும் என்றார்.
Similar News
News November 26, 2025
புதுவை: தீக்குளித்து மூதாட்டி தற்கொலை
கோட்டிச்சேரியை சேர்ந்தவர் ராணி(68). இவரது கணவர் நடராஜன் சில ஆண்டுகளுக்கு முன்பு இறந்த நிலையில், இவர்களது 4 மகன்களும் திருமணம் ஆகி தனித்தனியே வசித்து வருகின்றனர். இந்நிலையில், தனியே வசித்து வரும் ராணி, தனக்கு வாழப் பிடிக்கவில்லையென கூறி தீக்குளித்து தற்கொலைக்கு முயன்றுள்ளார். அக்கம் பக்கத்தினர் அவரை மீட்டு காரைக்கால் மருத்துவமனையில் சேர்த்துள்ளனர். இதில், அவர் சிகிச்சை பலனின்றி உயிரிழந்தார்.
News November 26, 2025
புதுவையில் இன்று மின் தடை அறிவிப்பு
புதுச்சேரி, திருபுவனை மின் நிலையத்தில் இருந்து செல்லும் பாகூர் மற்றும் பண்டசோழநல்லூர் மின்பாதைகளில், இன்று(நவ.26) பராமரிப்பு பணிகள் நடைபெற உள்ளது. இதனால், காலை 10 மணி முதல் மாலை 6 மணி வரை பாகூர், பாகூர் பேட், கன்னியா கோயில், புதுநகர், மூர்த்திக்குப்பம், நிர்ணயப்பட்டு குடியிருப்பு, பாளையம், சேலிய மேடு, அரங்கனூர் ஆகிய பகுதிகளில் மின்தடை ஏற்படும் என்று புதுச்சேரி மின்துறை பொறியாளர் தெரிவித்துள்ளார்.
News November 26, 2025
புதுவை: பெண்ணிடம் ரூ.7 லட்சம் மோசடி
பாகூரை சேர்ந்த பெண் ஒருவர் ஆன்லைனில் லாட்டரி சீட்டு வாங்கியுள்ளார். இந்நிலையில், அப்பெண்ணை தொடர்பு கொண்ட மர்ம நபர் லாட்டரி சீர் ஏஜெண்ட் எனவும், அவரிடம் தங்களுக்கு பரிசு விழுந்ததாகவும் கூறியுள்ளார். மேலும் பரிசு பெற பரிசீலனை கட்டணம் மற்றும் ஜிஎஸ்டி செலுத்த வேண்டும் என கூறியயதை நம்பி ரூ.7லட்சத்துக்கு மேல் பணம் செலுத்தி அப்பெண் ஏமாந்துள்ளார். இதுகுறித்து சைபர் கிரைம் போலீசார் வழக்கு பதிந்துள்ளனர்.