News November 13, 2024
மதுரையில் 41 பேருக்கு வைரஸ் காய்ச்சல் பாதிப்பு
மதுரையில் நேற்று(நவ.12) 41 பேர் வைரஸ் காய்ச்சலால் பாதிக்கப்பட்டனர். இவர்களில் யாருக்கும் டெங்கு பாதிப்பு இல்லை. அரசு மற்றும் தனியார் மருத்துவமனைகளில் மொத்தம் 89 பேர் வைரஸ் காய்ச்சலுக்கு சிகிச்சை பெறுகின்றனர். அதேபோல் மதுரை விமான நிலையத்தில் ‘எம் பாக்ஸ்’ எனப்படும் குரங்கு அம்மை நோய்க்கான பரிசோதனை தொடர்ந்து செய்யப்படுகிறது. இதுவரை யாருக்கும் நோய் கண்டறியப்படவில்லை என மருத்துவ வட்டாரம் தெரிவிக்கிறது.
Similar News
News November 19, 2024
குழு அமைத்து விசாரணை நடத்த பரிந்துரை – ஆட்சியர்
மதுரை சத்தியமூர்த்தி நகர் பகுதியைச் சேர்ந்த காட்டுநாயக்கர் சமுதாய மக்கள் தங்களுக்கு ST சாதி சான்றிதழ் வழங்க கோரி கடந்த 10 நாட்களுக்கும் மேலாக தொடர் போராட்டத்தில் ஈடுபட்டு வருகின்றனர். இந்நிலையில், இந்து காட்டு நாயக்கர் பிரிவினருக்கு ST சான்றிதழ் வழங்குவது தொடர்பாக குழு அமைத்து விசாரணை நடத்த அரசுக்கு மதுரை மாவட்ட ஆட்சியர் சங்கீதா பரிந்துரை செய்துள்ளார். இதை தொடர்ந்து போராட்டம் கைவிடப்பட்டது.
News November 19, 2024
இரவு நேர ரோந்து பணி காவலர்கள் விபரம்.
மதுரை மாவட்ட இரவு நேர காவலர்களின் ரோந்து பணி விபரம் மதுரை மாவட்ட காவல்துறை அலுவலகத்தில் இருந்து வெளியிடப்பட்டது. இன்று (நவ.19) இரவு 10 மணி முதல் காலை 6 மணி வரை ஊமச்சிகுளம், சமயநல்லூர், மேலூர், திருமங்கலம், உசிலம்பட்டி போன்ற பகுதிகளுக்கு இரவு நேர ரோந்து பணி அதிகாரிகளின் விவரங்கள் மதுரை மாவட்ட காவல்துறை அலுவலகத்தில் இருந்து வெளியிடப்பட்டுள்ளது.
News November 19, 2024
மதுரையில் 420 பஞ்சாயத்துகளில் கிராம சபை கூட்டம்
மதுரை மாவட்டத்தில் உள்ள அனைத்து கிராம ஊராட்சிகளிலும் நவ.23 அன்று உள்ளாட்சிகள் தின கிராம சபை கூட்டம் நடைபெற உள்ளதாக மாவட்ட ஆட்சியர் சங்கீதா தெரிவித்துள்ளார். அதன்படி மாவட்டத்தில் உள்ள 420 கிராம ஊராட்சிகளிலும் நடைபெறும் கிராம சபை கூட்டத்தில், வடகிழக்கு பருவமழை முன்னெச்சரிக்கை நடவடிக்கைகள் உள்ளிட்டவைகளை குறித்து விவாதிக்கப்பட உள்ளதால் கிராம மக்கள் தவறாமல் கலந்து கொள்ள அறிவுறுத்தியுள்ளார்.